رومانس، کامیڈی اور ڈراما سے بھرپور فلم ’رجنی کی بارات‘ کا طویل الانتظار ٹیزر ریلیز کر دیا گیا ہے۔ دربھنگہ کے خوبصورت مقامات اور دیسی بہاری انداز میں سیٹ کی گئی اس فلم میں اداکارہ الکا گپتا کو ایک مضبوط کردار میں دکھایا گیا ہے۔ تقریباً ایک منٹ کا ٹیزر بہاری طرز کے لونڈا ناچ کے اعلان سے شروع ہوتا ہے، جس کے بعد الکا کا مضبوط ڈائیلاگ، ہمکو راجن سے شادی کرنا ہے۔ ٹیزر مزاحیہ، رومانوی اور جذباتی لمحات کا شاندار امتزاج پیش کرتا ہے۔

ٹیزر میں ایشیتا سنگھ کا ڈائیلاگ راجن جی سے ملنے کے بعد خاص لگا کہانی میں محبت کا ٹرائنگل جوڑتا ہے۔ سنیتا راجوار اپنی مزاحیہ ٹائمنگ سے سامعین کو ہنساتے ہوئے نظر آ رہی ہیں۔ زرینہ وہاب اور سنیتا راجوار کے ڈانس سیکوینس بھی ٹیزر کی خاص کشش ہیں۔ آخر میں، ایک پولیس افسر کے کردار میں اشوتھ بھٹ کی انٹری اور ان کا ڈائیلاگ محبت کی کہانی بہت پیاری ہے سر کہانی میں نئے جوش و خروش کی نشاندہی کرتا ہے۔ ٹیزر میں الکا گپتا، کنشک، سنیتا راجوار اور اشوتھ بھٹ کے کرداروں کی مضبوط جھلک دکھائی دیتی ہے۔

ایپی فینی انٹرٹینمنٹ کے بینر تلے تیار ہونے والی 'رجنی کی بارات' کو تنایا ادارکر پربھو اور تیج ایچ ادارکر نے پروڈیوس کیا ہے، جب کہ اس کی ہدایت کاری آدتیہ امن نے کی ہے۔ فلم میں الکا گپتا، کنشک، ایشیتا سنگھ، زرینہ وہاب، سنیتا راجوار اور اشوتھ بھٹ مرکزی کردار میں نظر آئیں گے۔ ٹیزر لانچ کے دوران الکا گپتا نے کہا کہ رجنی کا کردار ایک ایسی لڑکی کا ہے جو اپنی محبت کے لیے کسی بھی حد تک جا سکتی ہے۔ انہوں نے کہا کہ فلم میں جذبات، کامیڈی اور ڈرامہ کا بہت ہی دلچسپ امتزاج ہوگا۔ 'رجنی کی بارات' 29 مئی کو سینما گھروں میں ریلیز ہوگی۔

---------------

ہندوستان سماچار / عبدالسلام صدیقی