نئی دہلی، 14 مئی (ہ س)۔

الیکشن کمیشن نے جمعرات کو ووٹر لسٹ کے اسپیشل انٹینسیو ریویژن (ایس آئی آر) کے تیسرے مرحلے کے حصے کے طور پر دیگر ریاستوں کے ساتھ ساتھ دہلی میں ایس آئی آر کے عمل کو انجام دینے کی ہدایات جاری کیں۔

دہلی میں ایس آئی آر کا عمل 20 جون سے 7 اکتوبر تک جاری رہے گا۔ دہلی کے لیے ڈرافٹ رول 5 اگست کو اور آخری رول 7 اکتوبر کو جاری کیا جائے گا۔ 20 سے 29 جون تک دہلی میں ایس آئی آر کے لیے بوتھ لیول آفیسرز (بی ایل اوز) کو تربیت دی جائے گی۔ اس کے بعد بی ایل اوز5اگست کو گھر گھر جا کر ووٹروں کی تصدیق کریں گے۔

دہلی کے رائے دہندگان 5 اگست سے 4 ستمبر کے درمیان اضافہ/اصلاح کے لیے اپنے اعتراضات یا دعوے جمع کرا سکیں گے۔ اعتراضات 5 اگست سے 3 ستمبر تک طے کیے جائیں گے۔ تمام دعوے طے ہونے کے بعد حتمی ووٹر لسٹ 7 اکتوبر کو شائع کی جائے گی۔ دہلی میں اس وقت ووٹروں کی کل تعداد 14,823,234 ہے، جن کے لیے بی ایل او گھر گھر جا کر ڈیٹا کی تصدیق کریں گے۔

ہندوستھان سماچار

ہندوستان سماچار / عطاءاللہ