اداکارہ عالیہ بھٹ اس وقت کانز فلم فیسٹیول 2026 میں اپنے گلیمرس انداز کی وجہ سے خبروں میں ہیں۔ اداکارہ نے ایک مشہور بیوٹی برانڈ کی ایمبیسیڈر کے طور پر تقریب میں شرکت کی۔ دریں اثنا، ریڈ کارپٹ سے ان کی ایک ویڈیو سوشل میڈیا پر وائرل ہوئی، جس کے نتیجے میں کچھ انٹرنیٹ صارفین نے دعویٰ کیا کہ انہیں بین الاقوامی میڈیا کی جانب سے وہ توجہ نہیں دی گئی جس کی وہ حقدار تھیں۔ اس پر اداکارہ کو سوشل میڈیا پر ٹرول بھی کیا گیا۔

اب اداکار علی گونی عالیہ کی حمایت میں سامنے آ گئے ہیں۔ انہوں نے اپنے انسٹاگرام پر عالیہ کی ایک ویڈیو شیئر کرتے ہوئے لکھا کہ یہ دکھ کی بات ہے جب ان کے اپنے لوگ ایک ایسے فنکار کی تذلیل کرنے کی کوشش کرتے ہیں جس نے ہندوستان کو عالمی سطح پر پہچان دلانے کے لیے اتنی محنت کی ہے۔ علی نے کہا کہ عالیہ نے اپنے کیرئیر میں وہ بلندیاں حاصل کی ہیں جن کا صرف دوسرے خواب دیکھتے ہیں اور لوگوں کو ان کا مذاق اڑانے کے بجائے انہیںجشن منانا چاہیے۔

وائرل ویڈیو میں عالیہ ریڈ کارپٹ پر مسکراتے ہوئے اور کیمروں کے لیے پوز دیتی نظر آرہی ہیں۔ کچھ سوشل میڈیا صارفین نے دعویٰ کیا کہ انہیں غیر ملکی پیپرازی کی جانب سے زیادہ ردعمل نہیں ملا جب کہ بہت سے مداحوں نے اداکارہ کے اعتماد اور انداز کی تعریف کی۔ ویڈیو میں عالیہ میڈیا کو ایک بلونگ کس کرتے ہوئے اور مکمل اعتماد کے ساتھ ریڈ کارپٹ پر واک کرتی نظر آرہی ہیں۔

ہندوستھان سماچار

ہندوستان سماچار / عطاءاللہ