نئی دہلی، 14 مئی (ہ س)۔

سینٹرل بیورو آف انویسٹی گیشن (سی بی آئی) نے جمعرات کو اے ڈی اے گروپ کی کمپنیوں میں سے ایک ریلائنس کمیونیکیشن لمیٹڈ کے خلاف درج ایک کیس کے سلسلے میں سات احاطے کی تلاشی لی۔ یہ احاطے تین شہروں میں واقع ہیں: ممبئی، گروگرام اور بنگلورو۔

سرچ کمپنی کے اس وقت کے سی ای او، سی ایف او اور ڈائریکٹرز کے رہائشی احاطے میں کی گئیں، جنہوں نے 2015-2017 کے دوران خدمات انجام دیں۔ یہ تلاشی کارروائیاں ممبئی میں سی بی آئی کیسز کے خصوصی جج کے ذریعہ آج جاری کردہ سرچ وارنٹ کی بنیاد پر کی گئیں۔ تلاشی کے دوران مجرمانہ دستاویزات قبضے میں لے لی گئیں، مزید تفتیش جاری ہے۔

قابل ذکر ہے کہ سی بی آئی نے انیل امبانی کی قیادت والی ریلائنس گروپ کے خلاف گزشتہ چند مہینوں میں، مختلف پبلک سیکٹر بینکوں اور ایل آئی سی کی طرف سے ہزاروں کروڑ روپے کی مبینہ دھوکہ دہی کے سلسلے میں درج کردہ شکایات کی بنیاد پر سات مقدمات درج کیے ہیں۔ ان معاملات میں مبینہ نقصانات کی کل رقم 27,337 کروڑ روپے ہے۔

ان مقدمات کے اندراج کے بعد سی بی آئی نے گزشتہ چند ماہ کے دوران 31 مقامات پر تلاشی لی۔ ریلائنس کمیونیکیشن کے جوائنٹ چیئرمین ڈی وشو ناتھ اور وائس چیئرمین انیل کالیا کو 20 اپریل کو گرفتار کیا گیا تھا۔ دونوں ملزمین فی الحال عدالتی حراست میں ہیں۔ سپریم کورٹ انیل امبانی کی قیادت والے ریلائنس گروپ سے متعلق معاملات کی تحقیقات کی نگرانی کر رہی ہے۔

ہندوستھان سماچار

ہندوستان سماچار / عطاءاللہ