علی گڑھ, 14 مئی (ہ س)۔

جواہر لعل نہرو میڈیکل کالج ، علی گڑھ مسلم یونیورسٹی کے شعبہ اناٹومی کے پروفیسر فضل الرحمٰن کو متفقہ طور پر علی گڑھ آرتھوپیڈک کلب کا صدر مقرر کیا گیا ہے۔

اپنی تقرری پر اظہار تشکر کرتے ہوئے پروفیسر فضل الرحمٰن نے کلب کے سینئر اراکین کا ان پر اعتماد کرنے کے لیے شکریہ ادا کیا اور کہا کہ وہ آرتھوپیڈک ہیلتھ کیئر کی ترقی اور کلب کی علمی سرگرمیوں کو فروغ دینے کے لیے کام کریں گے۔

قابل ذکر ہے کہ پروفیسر فضل الرحمٰن نے جواہر لعل نہرو میڈیکل کالج سے ایم بی بی ایس، آرتھوپیڈکس میں ڈپلوما اور ایم ایس کی ڈگریاں حاصل کی ہیں اور اس وقت شعبہ اناٹومی کے چیئرمین کے طور پر خدمات انجام دے رہے ہیں۔ وہ ایک ممتاز اناٹومسٹ اور آرتھوپیڈک سرجن ہیں اور آرتھوپیڈک تعلیم، مریضوں کی نگہداشت اور عضلات و ہڈیوں سے متعلق تحقیق میں اپنی نمایاں خدمات کے لیے جانے جاتے ہیں۔ ان کی علمی دلچسپیوں میں ٹراما کیئر، جوڑوں کے امراض، عضلات و ہڈیوں کی سرجری، اور انڈرگریجویٹ و پوسٹ گریجویٹ میڈیکل طلبہ کی تربیت شامل ہیں۔

---------------

ہندوستان سماچار / سید کامران علی گڑھ