ڈوڈہ پولیس نے غیر قانونی کانکنی میں ملوث گاڑی کو ضبط کیا

جموں، 13 مئی (ہ س)۔ ڈوڈہ پولیس نے غیر قانونی کانکنی اور معدنیات کی غیر مجاز نقل و حمل کے خلاف کارروائی کرتے ہوئے کھلینی علاقے میں ایک ڈمپر ضبط کر لیا، جبکہ متعلقہ شخص پر 28 ہزار 200 روپے جرمانہ بھی عائد کیا گیا ہے۔

پولیس ذرائع کے مطابق پولیس پوسٹ کھلینی کی ٹیم نے معمول کی ناکہ چیکنگ کے دوران کھلینی مارکیٹ کے قریب ایک ڈمپر کو روکا۔ تلاشی کے دوران گاڑی میں بجری لوڈ پائی گئی، تاہم ڈرائیور کے پاس متعلقہ دستاویزات، جی آر اور فارم-اے موجود نہیں تھے۔ پولیس نے فوری کارروائی کرتے ہوئے ڈمپر کو ضبط کر لیا۔

گاڑی مرتضیٰ رجب نائک ولد محمد رجب نائک سکنہ نیل، تحصیل رامسو، ضلع رام بن چلا رہا تھا۔ بعد ازاں معاملے کی اطلاع ضلع معدنیات افسر ڈوڈہ کو دی گئی، جنہوں نے متعلقہ قوانین کے تحت 28 ہزار 200 روپے جرمانہ عائد کیا۔ڈوڈہ پولیس نے کہا ہے کہ غیر قانونی کانکنی میں ملوث افراد کے خلاف سخت کارروائی جاری رہے گی اور عوام سے قدرتی وسائل کے تحفظ میں تعاون کی اپیل کی گئی ہے۔

ہندوستھان سماچار

--------------

ہندوستان سماچار / محمد اصغر