لاتور، 13 مئی (ہ س)۔

نیٹ پیپر لیک معاملے میں ملوث افراد کے خلاف غداری کا مقدمہ درج کر کے سخت ترین کارروائی کرنے کا مطالبہ وی ایس پینتھرس طلبہ محاذ کی جانب سے کیا گیا ہے۔وی ایس پینتھرس کے بانی صدر ونود بھاؤ کھٹکے کی ہدایت پر طلبہ محاذ کے مراٹھواڑہ صدر پریتم دنڈے کی قیادت میں لاتور ضلع کلکٹر دفتر کے ذریعے مرکزی وزیر تعلیم کو ایک مکتوب روانہ کیا گیا۔اس عرضداشت میں مطالبہ کیا گیا کہ نیٹ پیپر لیک جیسے سنگین معاملے میں شامل تمام قصورواروں کے خلاف سخت قانونی کارروائی کی جائے اور ان پر ملک دشمنی یعنی غداری کا مقدمہ درج کیا جائے۔تنظیم کی جانب سے خبردار کیا گیا کہ اگر حکومت نے اس معاملے میں فوری اور سخت قدم نہ اٹھایا تو وی ایس پینتھرس کی جانب سے شدید احتجاجی تحریک شروع کی جائے گی۔اس مکتوب پر مراٹھواڑہ صدر پریتم دنڈے، ضلع صدر سپنیل کامبلے، ضلع نائب صدر رشی ڈھگے، مہادیو کامبلے، شہر سکریٹری روہت دنڈے، شہر نائب صدر سمیر شیخ، مہیش سوریہ ونشی سمیت دیگر عہدیداران کے دستخط موجود ہیں۔ہندوستھان سماچار

ہندوستان سماچار / جاوید این اے