لکھنؤ، 13 مئی (ہ س)۔ سماج وادی پارٹی (ایس پی) کے قومی صدر اوراتر پردیش کے سابق وزیر اعلی اکھلیش یادو ان کے انتقال کے بعد ان کے چھوٹے بھائی پرتیک یادو کی آخری رسومات ادا کرنے اور ان کے جسد خاکی پر پھول چڑھانے کے لیے رہائش گاہ پہنچے۔ انہوں نے پھول چڑھائے اور مرحوم بھائی کو خراج عقیدت پیش کیا۔ اس دوران اکھلیش جذباتی دکھائی دیے اور اپنے بھائی کے اچانک انتقال پر کنبہ کے افراد سے اپنی گہری تعزیت کا اظہار کیا۔

اسی طرح سماج وادی پارٹی کے سینئر لیڈر اور چچا شیو پال سنگھ یادو اپنے بھتیجے پرتیک یادو کی میت کو دیکھنے گھر پہنچے۔ اس درمیان ڈمپل یادو بھی پرتیک کی رہائش گاہ پہنچی اور ان کے جسد خاکی کو خراج عقیدت پیش کیا۔

قابل ذکر ہے کہ پرتیک یادو اپنے گھر پر مشتبہ حالات میں بے ہوش پائے گئے تھے۔ انہیں علاج کے لیے اسپتال لے جایا گیا، جہاں ڈاکٹروں نے انہیں مردہ قرار دے دیا۔ اس کے بعد ڈاکٹروں کے ایک پینل نے ان کا پوسٹ مارٹم کیا، جس میں اس بات کی تصدیق ہوئی کہ موت کی وجہ دل کا دورہ ہے۔

ہندوستھان سماچار

---------------

ہندوستان سماچار / عبدالواحد