نئی دہلی، 12 مئی (ہ س)۔ ہندوستانی بیڈمنٹن اسٹارس ساتوک سائراج رینکیریڈی اور چراغ شیٹی نے تھائی لینڈ اوپن 2026 کے مردوں کے ڈبلز زمرے میں شاندار شروعات کرتے ہوئے پری کوارٹر فائنل میں جگہ بنالی۔ ہندوستانی جوڑی نے منگل کو ایک گھنٹہ چار منٹ تک جاری رہنے والے سخت مقابلے والے پہلے راو¿نڈ کے مقابلے میں انڈونیشیا کے مو پوترا ایرویانیا اور باگس مولانا کو 21-19، 21-23، 21-10 سے شکست دی۔

پہلا گیم سنسنی خیز رہا جس میں ساتوک اور چراغ نے 21-19 سے کامیابی حاصل کی۔ انڈونیشیائی جوڑی نے دوسرے گیم میں واپسی کرتے ہوئے 23-21 سے کامیابی حاصل کی۔ تاہم، ہندوستانیوں نے فیصلہ کن کھیل میں شاندار کارکردگی کا مظاہرہ کرتے ہوئے یکطرفہ 21-10 سے فتح اپنے نام کر لی۔اب پری کوارٹر فائنل میں ساتوک-چراغ کا مقابلہ ملائیشیا کے برائن جیریمی گنٹنگ اور محمد ہیکل کی جوڑی سے ہوگا۔

ہندوستھان سماچار

ہندوستان سماچار / Mohammad Khan