علی گڑھ، 12 مئی (ہ س)۔

اقراء پبلک اسکول کے احاطے میں منگل کو فن و ہنر نمائش اور والدین-اساتذہ کانفرنس کا شاندار انعقاد کیا گیا۔ نمائش کا افتتاح اقراء ایجوکیشنل فاؤنڈیشن کے صدر پروفیسر امان اللہ خان نے اپنے دستِ مبارک سے کیا۔اس نمائش میں طلبہ و طالبات اور اساتذہ کرام نے اپنی تخلیقی اور فنکارانہ صلاحیتوں کا بہترین مظاہرہ پیش کیا۔ فن و ہنر، خطاطی (کلی گرافی)، مصوری، تعلیمی ماڈلز اور دیگر تخلیقی نمونوں نے حاضرین کی بھرپور توجہ حاصل کی۔ طلبہ کی صلاحیتوں اور تخلیقی فن پاروں نے نمائش کو چار چاند لگا دیے۔اس موقع پر اسکول انتظامیہ کی جانب سے کلاس میں 100 فیصد حاضری درج کرانے والے طلبہ و طالبات کو اسناد (سرٹیفکیٹس) بھی تقسیم کیے گئے۔

تقریب میں اسکول منیجر جناب نسیم احمد خان، پروفیسر عابد علی خان سمیت دیگر معزز شخصیات بھی موجود رہیں۔ اسکول کی پرنسپل محترمہ فاطمہ ارم نے تمام مہمانوں اور والدین کا استقبال کرتے ہوئے شکریہ ادا کیا اور پروگرام کی کامیابی پر خوشی کا اظہار کیا۔

ہندوستھان سماچار

ہندوستان سماچار / سید کامران علی گڑھ