نئی دہلی، 12 مئی (ہ س)۔ ہندوستان 14-15 مئی کو برکس وزرائے خارجہ کی میٹنگ کی میزبانی کرے گا،جس میں ایران کے وزیر خارجہ عباس عراقچی اور متحدہ عرب امارات (یو اے ای) کی بین الاقوامی تعاون کی وزیر مملکت ریم بنت ابراہیم الہاشمی کی شرکت کا امکان ہے۔ وزیر خارجہ ڈاکٹر ایس جے شنکر میٹنگ کی صدارت کریں گے۔ برکس کے رکن اور شراکت دار ممالک کے وزرائے خارجہ اور وفود کے سربراہ اجلاس میں شرکت کریں گے۔ وہ وزیر اعظم نریندر مودی سے بھی ملاقات کریں گے۔ وزارت خارجہ کے مطابق ملاقات کے دوران برکس رکن ممالک کے وزرائے خارجہ باہمی دلچسپی کے عالمی اور علاقائی امور پر تبادلہ خیال کریں گے۔ دوسرے دن، برکس کے رکن اور شراکت دار ممالک ’برکس@20: استحکام، اختراع، تعاون اور پائیداری کی تعمیر‘ کے موضوع پر ایک سیشن میں شرکت کریں گے۔ اس کے بعد ’عالمی طرز حکمرانی اور کثیر جہتی نظام کی اصلاح‘ پر ایک سیشن ہوگا۔

قابل ذکر ہے کہ برکس ممالک کے وزرائے خارجہ نے اپنا آخری اجلاس 26 ستمبر 2025 کو اقوام متحدہ کی جنرل اسمبلی (یو این جی اے 80) کے 80ویں اجلاس کے دوران منعقد کیا تھا۔ اس میٹنگ کی صدارت ہندوستان نے 2026 کے لیے برکس کے آنے والے چیئرمین کے طور پر کی تھی۔

ہندوستھان سماچار

ہندوستان سماچار / Mohammad Khan