نئی دہلی، 9 اپریل (ہ س): وزیر اعظم نریندر مودی نے جمعرات کو ایک سنسکرت سبھاشیت کا اشتراک کیا، جس میں گیان کی اہمیت کو اجاگر کیا۔ انہوں نے کہا کہ ہندوستان کے شاندار ورثے اور ثقافت نے ہمیشہ یہ سکھایا ہے کہ حقیقی گیان اور اس کا صحیح استعمال ہی کسی ملک کی ترقی کی بنیاد ہے۔

سوشل میڈیا پلیٹ فارم ایکس پر اپنے پیغام میں وزیر اعظم نے لکھا کہ اس راستے پر چل کر ملک کے نوجوان ایک خوشحال اور مضبوط ہندوستان کی تعمیر میں فعال کردار ادا کر رہے ہیں۔

انہوں نے اس سے متعلق سبھاشیت سنسکرت میں شیئر کی،جس کا مفہوم ہے کہ ہمارے اندر جو گیان موجود ہے، جو عام یا بیرونی علم سے بالاتر ہے، اس پوری کائنات کا اصل جوہر ہے۔ انہوں نے زور دے کر کہا کہ عظیم اور عالم لوگ اس باطنی علم کو اعلیٰ سمجھتے ہیں اور اس کی عبادت کرتے ہیں۔

وزیر اعظم نے کہا کہ ملک کی نوجوان قوت اس قدر پر مبنی سوچ کو اپنا کر قوم کی تعمیر میں اہم کردار ادا کر رہی ہے۔

---------------

ہندوستان سماچار / عبدالسلام صدیقی