نوئیڈا، 8 اپریل (ہ س) نوئیڈا کے مختلف تھانہ علاقوں میں سڑک حادثات میں تین لوگوں کی موت ہو گئی۔ متعلقہ تھانوں کی پولیس نے نعشیں تحویل میں لے کر کارروائی شروع کر دی ہے۔

پولیس کمشنر لکشمی سنگھ کے میڈیا انچارج نے بتایا کہ ونے گپتا (57) ولد پدم چند گپتا ساکن پرتیک اسٹائل ہوم سوسائٹی سیکٹر 45 بدھ کی دوپہر سیکٹر 39 کے دائرہ اختیار میں سیکٹر 98 کے قریب ایک سڑک حادثے میں شدید زخمی ہو گیا تھا۔ اس کے بیٹے کشتیج انہیں ضلع اسپتال لے گئے جہاں ڈاکٹروں نے انہیں مردہ قرار دیدیا۔

میڈیا افسر نے بتایا کہ گوالیار، مدھیہ پردیش کے رہنے والے کملیش کمار کا بیٹا ششانک (28) منگل کی رات بسرکھ تھانہ علاقے کے گور سٹی کے قریب سڑک حادثے میں شدید زخمی ہو گیا۔ اسے علاج کے لیے اسپتال میں داخل کرایا گیا، جہاں علاج کے دوران بدھ کی صبح اس کی موت ہوگئی۔

اسی طرح تھانہ کے نالج پارک علاقہ میں کل رات ایک سڑک حادثہ میں قمر الدین (56) شدید زخمی ہوگیا۔ اسے علاج کے لیے اسپتال میں داخل کرایا گیا، جہاں علاج کے دوران اس کی موت ہوگئی۔

ان کا کہنا تھا کہ تھانہ صدر نے تمام متوفی کی لاشیں تحویل میں لے کر پوسٹ مارٹم کے لیے بھیج دیں اور مزید کارروائی شروع کر دی۔

---------------

ہندوستان سماچار / عبدالسلام صدیقی