نئی دہلی، 8 اپریل (ہ س)۔ سکم کے وزیر اعلیٰ پریم سنگھ تمانگ نے بدھ کو یہاں وزیر اعظم نریندر مودی سے ملاقات کی اور ریاست کی ترقی سے متعلق مختلف امور پر تبادلہ خیال کیا۔ وزیراعظم کے دفتر کے مطابق دونوں رہنماؤں کے درمیان خوشگوار اور نتیجہ خیز بات چیت ہوئی۔ میٹنگ کے بعد وزیر اعلیٰ تمانگ نے سوشل میڈیا پلیٹ فارم ایکس پر بات چیت کی تفصیلات بھی شیئر کیں اور اسے ایک اعزازی موقع قرار دیا۔

ملاقات کے دوران تمانگ نے وزیر اعظم کو سکم کی اہم ترقیاتی ترجیحات اور ابھرتی ہوئی ضروریات سے آگاہ کیا۔ انہوں نے بنیادی ڈھانچے کی ترقی، پائیدار ترقی اور ریاست کے لوگوں کی مجموعی فلاح و بہبود کے سلسلے میں مرکز سے تعاون بڑھانے کی ضرورت پر تبادلہ خیال کیا۔

وزیر اعلیٰ نے نتھو لا پاس (سلک روٹ) تجارتی راستے کو دوبارہ کھولنے کے فیصلے پر وزیر اعظم کا شکریہ ادا کیا، جو جون 2026 سے دوبارہ کام شروع کرنے کے لیے تیار ہے۔

اسکے علاوہ تمانگ نے وزیر اعظم کو ریاست سکم کے قیام کے موقع پر گولڈن جوبلی کی تقریبات کی اختتامی تقریب میں شرکت کے لیے مدعو کیا- یہ دعوت وزیر اعظم نے قبول کر لی۔ وزیر اعلیٰ نے ریاست کی ترقی اور خوشحالی کے لیے مرکز کی طرف سے دی جانے والی مسلسل رہنمائی، حوصلہ افزائی اور حمایت کے لیے بھی اپنی ستائش کی۔

ہندوستھان سماچار

---------------

ہندوستان سماچار / عبدالواحد