ایران کا اعلان۔ امریکہ سے جمعہ کو اسلام آباد میں بات چیت شروع ہوگی

تہران، 08 اپریل (ہ س)۔ امریکہ اور اسرائیل کے دو ہفتوں کی جنگ بندی پر متفق ہونے کے بعد ایران کے عوام اور وہاں کی حکومت خوش ہے۔ ایران نے اعلان کیا ہے کہ امریکہ سے جمعہ کو پاکستان کے دارالحکومت اسلام آباد میں بات چیت شروع ہوگی۔ تہران کا کہنا ہے کہ یہ بات چیت اس کی 10 نکاتی تجویز پر مرکوز ہوگی۔ اس تجویز میں آبنائے ہرمز پر کنٹرول اور تمام پابندیوں کو ختم کرنے کا مطالبہ کیا گیا ہے۔

الجزیرہ چینل کی رپورٹ کے مطابق، ایران نے بھی امریکہ کے ساتھ دو ہفتے کی جنگ بندی پر اتفاق کیا ہے۔ ایران کی قومی سلامتی کونسل نے کہا ہے کہ واشنگٹن کے ساتھ بات چیت جمعہ کو اسلام آباد میں شروع ہوگی۔ بات چیت صرف اور صرف تجویز کے دائرے میں ہوگی۔ ایران کا یہ بیان بدھ کو امریکی صدر ڈونالڈ ٹرمپ کے بیان کے بعد سامنے آیا ہے۔ ٹرمپ نے کہا کہ وہ ایران کے بجلی گھروں اور پلوں پر بمباری کی دھمکی واپس لینے اور دو ہفتوں تک حملہ نہ کرنے پر متفق ہو گئے ہیں۔

ٹرمپ نے کہا کہ یہ معاہدہ آبنائے ہرمز کی صورتحال پر منحصر ہوگا۔ ایران کو اسے فوری اور محفوظ طریقے سے کھولنا ہوگا۔ قابلِ ذکر ہے کہ یہ ایک تنگ آبی راستہ ہے، جو خلیج کو بحیرہ عرب سے جوڑتا ہے۔ اس راستے سے دنیا کی تیل کی سپلائی کا پانچواں حصہ گزرتا ہے۔ 28 فروری کے حملے کے بعد ایران نے ہرمز کی ناکہ بندی کر دی تھی، جس سے عالمی تیل کی تجارت متاثر ہوئی۔ اس کی وجہ سے تیل کی قیمتوں میں اضافہ ہوا اور دنیا بھر میں ایندھن کی کمی ہو گئی۔ ایران کے جوابی حملوں کی گونج پورے خلیجی خطے میں سنائی دی۔ اس جنگ میں ایران کے ساتھ جنگجو گروہ حزب اللہ اور حوثی بھی کھل کر سامنے آگئے تھے۔

ہندوستھان سماچار

---------------

ہندوستان سماچار / انظر حسن