نئی دہلی، 8 اپریل (ہ س)۔

دہلی کی وزیر اعلیٰ ریکھا گپتا نے آج آئی ٹی او میں اسٹیٹ جی ایس ٹی دفتر کا اچانک معائنہ کیا اور انتظامات کا تفصیلی جائزہ لیا۔ انہوں نے افسران اور ملازمین سے بات چیت کی اور کام کاج کا جائزہ لیا۔

اپنے سوشل میڈیا اکاو¿نٹ پر ایک پوسٹ میں، وزیر اعلیٰ نے کہا کہ ریاستی جی ایس ٹی دفتر میں وقت کی پابندی، صفائی ستھرائی اور ایک منظم ورک کلچر کو یقینی بنانے کے لیے واضح ہدایات دی گئی ہیں۔ انہوں نے مزید کہا کہ غفلت، تاخیر یا غیر ضروری پیچیدگیوں کی کوئی گنجائش نہیں ہوگی۔

وزیر اعلیٰ نے کہا کہ کاروبار دہلی کی معیشت کی ریڑھ کی ہڈی ہے۔ ہماری ترجیح اس بات کو یقینی بنانا ہے کہ ہر عمل آسان، شفاف اور قابل رسائی ہو، تاکہ کاروبار بغیر کسی رکاوٹ کے اپنے کام پر توجہ مرکوز کر سکیں۔ انہوں نے کہا کہ دہلی حکومت ہر محکمے میں جوابدہی کو یقینی بناتے ہوئے عوام اور کاروباری اداروں کو ایک ہموار، سادہ اور قابل اعتماد نظام فراہم کرنے کے لیے پرعزم ہے۔

ہندوستھان سماچار

ہندوستان سماچار / عطاءاللہ