نئی دہلی، 7 اپریل (ہ س)۔ دہلی بی جے پی صدر وریندر سچدیوا کے والد شیام لال سچدیوا کا منگل کو انتقال ہوگیا۔ کئی رہنماوں نے گہرے رنج و غم کا اظہار کیا۔وزیر اعلیٰ ریکھا گپتا نے اس نقصان کو انتہائی تکلیف دہ قرار دیتے ہوئے کہا کہ ایک باپ کا سایہ زندگی میں برگد کے درخت کی طرح ہوتا ہے اور ان کا جانا خاندان کے لیے بہت بڑا نقصان ہے۔ انہوں نے سوگوار خاندان سے تعزیت کا اظہار کیا۔اسی طرح دہلی کے وزیر تعلیم آشیش سود، محکمہ تعمیرات عامہ کے وزیر پرویش صاحب سنگھ اور کابینہ کے وزیر منجندر سنگھ سرسا نے مرحوم کی روح کو سکون دینے اور خاندان کو اس مشکل وقت میں طاقت ملنے کی دعا کی۔ ایم پی کمل جیت سہراوت اور دیگر قائدین نے بھی تعزیت کا اظہار کیا۔ہندوستھان سماچار

ہندوستان سماچار / Mohammad Khan