علی گڑھ، 07 اپریل (ہ س)۔

علی گڑھ مسلم یونیورسٹی کے شعبہ فزیکل ایجوکیشن سے وابستہ ڈاکٹر محمد ارشد باری اور جناب جنید احمد پرے نے دہلی فارماسیوٹیکل سائنسز اینڈ ریسرچ یونیورسٹی کے اسکول آف فزیوتھراپی کے زیر اہتمام ”انہانسنگ ایتھلیٹ پرفارمنس: بایومیکانِکس اِن ایکشن“ کے عنوان سے منعقدہ ورکشاپ میں لیکچرز پیش کیے۔

ڈاکٹر باری نے کائنیزیالوجی اور اسپورٹس بایومیکانکس، ویڈیو پر مبنی موشن اینالیسس، اور عضلاتی سرگرمی کو سمجھنے کے لیے الیکٹرو مایوگرافی کے استعمال پر نشستوں کی میزبانی کی اور ان کی عملی اہمیت کو کھیلوں کی کارکردگی میں بہتری اور چوٹوں سے بچاؤ کے تناظر میں واضح کیا۔ جناب پرے نے ویڈیوگرافی کے ذریعے موشن اینالیسس پر لیکچر دیا اور کھیلوں کی مہارتوں کے بایومیکانکی جائزے پر عملی سیشنز بھی منعقد کیے۔ڈاکٹر باری نے سرفیس ای ایم جی اینالیسس اور اس کے اسپورٹس سائنس میں استعمالات پر ایک عملی تربیتی سیشن بھی کرایا۔

ہندوستھان سماچار

ہندوستان سماچار / سید کامران علی گڑھ