ریاض،07اپریل(ہ س)۔سعودی وزارتِ دفاع نے آج مشرقی علاقے میں 11 بیلسٹک میزائلوں کو ناکارہ بنا کر تباہ کر دیا، جو ملک پر ہونے والی ''ایرانی دشمنانہ حملوں'' کی جاری لہر کا حصہ تھے۔سعودی وزارتِ دفاع کے ترجمان کے مطابق بیلسٹک میزائلوں کے ملبے کے کچھ حصے توانائی کی تنصیبات کے اطراف گرے ہیں، جبکہ نقصانات کا تخمینہ لگایا جا رہا ہے۔سعودی عرب نے مملکت، خلیج تعاون کونسل کے ممالک اور متعدد عرب و اسلامی و دوست ممالک پر ہونے والے ایرانی جارحانہ حملوں کی شدید مذمت کی ہے۔مزید یہ کہ سعودی عرب نے ایرانی جانب کے اصرار کی بھی مذمت کی، جس کے تحت وہ خطے کے امن و استحکام کو خراب کرنے، بین الاقوامی قوانین اور معاہدوں کی کھلی خلاف ورزی کرنے اور عالمی امن کو خطرے میں ڈالنے کی کوشش کر رہا ہے۔اس سے قبل سعودی عرب خلیجی ممالک اور اردن یہ مو¿قف اختیار کر چکے ہیں کہ اسلامی جمہوریہ ایران کی کارروائیاں ایک خطرناک اشتعال انگیزی ہیں ،جو کئی ممالک کی خودمختاری کی خلاف ورزی اور علاقائی استحکام کے لیے خطرہ ہیں۔انہوں نے اس بات پر بھی زور دیا کہ شہریوں اور غیر فریق ممالک کو نشانہ بنانا ایک غیر ذمہ دارانہ عمل ہے جو خطے میں عدم استحکام کو بڑھاتا ہے۔

ہندوستھان سماچار

ہندوستان سماچار / Mohammad Khan