علی گڑھ، 07 اپریل (ہ س)۔

علی گڑھ مسلم یونیورسٹی کے کے اے نظامی مرکز برائے قرآنی مطالعات کی پی ایچ ڈی ریسرچ اسکالر ادیبہ تاج نے شعبہ کمپیوٹر سائنس کے زیر اہتمام اور آئی ای ای ای اتر پردیش سیکشن کے اشتراک سے منعقدہ ابھرتی ہوئی کمپیوٹیشنل انٹیلی جنس کی دوسری بین الاقوامی کانفرنس میں اپنا تحقیقی مقالہ پیش کیا۔

ان کے مقالے میں یہ جائزہ لیا گیا کہ کس طرح صارف مرکوز ڈیجیٹل پلیٹ فارمز قرآنی تعلیم میں رسائی اور افادیت کو بہتر بنا سکتے ہیں۔ تجرباتی اعداد و شمار کی بنیاد پر اس تحقیق میں صارفین کی ترجیحات کو اجاگر کیا گیا اور ڈیجیٹل قرآنی تعلیم کے لیے ایک جامع اور علمی طور پر مضبوط فریم ورک پیش کیا گیا۔

ہندوستھان سماچار

ہندوستان سماچار / سید کامران علی گڑھ