جموں, 06 اپریل (ہ س)۔

ضلع ڈوڈہ میں نشہ مکت ابھیان زور و شور سے جاری ہے، جس کے تحت سرکاری دفاتر کے ساتھ ساتھ تعلیمی اداروں میں بھی بیداری مہم شروع کی گئی ہے تاکہ زیادہ سے زیادہ لوگوں تک نشہ کے مضر اثرات سے آگاہی پہنچائی جا سکے۔ڈپٹی کمشنر ڈوڈہ، کرشن لال نے بتایا کہ پوری یو ٹی کی طرح ضلع ڈوڈہ میں بھی نشہ مکت ابھیان مؤثر انداز میں جاری ہے۔

انہوں نے کہا کہ لوگوں کو نشہ جیسی لعنت سے دور رکھنے کے لیے پنچایت سطح تک بیداری پروگرام منعقد کیے جا رہے ہیں۔انہوں نے مزید بتایا کہ ضلع کی 237 پنچایتوں میں خصوصی کمیٹیاں تشکیل دی گئی ہیں، جن کا مقصد علاقے کو منشیات سے پاک بنانا ہے۔ عوام تک وسیع پیمانے پر رسائی حاصل کرنے کے لیے اسکولوں میں مارننگ اسمبلی کے دوران طلبہ کو نشہ کے نقصانات سے آگاہ کیا جا رہا ہے۔ڈپٹی کمشنر کے مطابق، نشہ مکت ابھیان کے تحت لوگوں سے حلف بھی لیا جا رہا ہے جبکہ اس مہم کو مؤثر بنانے کے لیے 100 روزہ کیلنڈر بھی جاری کیا گیا ہے۔

انتظامیہ نے عوام سے اپیل کی ہے کہ وہ اس مہم میں بڑھ چڑھ کر حصہ لیں اور ایک صحت مند اور منشیات سے پاک معاشرے کے قیام میں اپنا کردار ادا کریں۔

ہندوستھان سماچار

---------------

ہندوستان سماچار / محمد اصغر