آسنسول، 6 اپریل (ہ س)۔آسنسول جنوبی اسمبلی حلقہ سے ترنمول امیدوار تاپس بنرجی کی حمایت میں اتوار کی دیر شام اداکارہ اور ترنمول کانگریس کی رکن پارلیمنٹ سایونی گھوش نے برن پور علاقے میں ایک عظیم الشان روڈ شو کیا۔ اس روڈ شو میں تاپس بنرجی کے ساتھ ساتھ آسنسول جنوبی اسمبلی حلقہ کے کئی سینئر ترنمول قائدین اور کارکنان بڑی تعداد میں موجود تھے۔

روڈ شو برن پور ریلوے اسٹیشن سے شروع ہوا اور اسٹیشن روڈ، وارڈ نمبر 78، ٹاو¿ن پوجا باڑی میدان، پرانا ہاٹ، مین روڈ، مدرسہ، سبھاش پلی، شانتی نگر، پورنیہ تالاب، منشی پریم چند روڈ، بی سی ایم ایل، نرسنگھ باندھ، دوبے پاڑہ اور ناگ مندر سے گزرتے ہوئے تروینی موڑ تک پہنچا۔ اس کے بعد تروینی موڑ میدان میں ایک زبردست ریلی نکالی گئی جس میں ترنمول کارکنوں کی بڑی تعداد نے شرکت کی۔

پورے پروگرام کے دوران کارکنوں میں زبردست جوش و خروش دیکھا گیا اور ممتا بنرجی، ابھیشیک بنرجی اور ترنمول کی حمایت میں مسلسل نعرے لگائے گئے۔

اس موقع پر سیانی گھوش نے کہا کہ عام لوگوں کی طرف سے جو جوش و خروش دکھایا گیا ہے، اس سے انہیں پورا اعتماد ہے کہ اس بار بنگال اسمبلی کے انتخابات میں ”کھیلا“ ہوبے۔ اس موقع پر آسنسول ساو¿تھ بلاک ٹاو¿ن ترنمول کانگریس کے بلاک صدر پورنیندو چودھری، ا±تپل سین، کونسلر اشوک رودر، کونسلر گرمیت سنگھ شاہداور سینکڑوں ترنمول کارکنان اور حامی موجود تھے۔

ہندوستھان سماچار

ہندوستان سماچار / محمد شہزاد