گوہاٹی، 05 اپریل (ہ س)۔ تائی آہوم یوتھ کونسل آسام نے کل ہند مجلس اتحاد المسلمین کے سربراہ اسد الدین اویسی کے ریاست کے دورے پر سخت اعتراض ظاہر کرتے ہوئے اسے فرقہ پرستی کو فروغ دینے کا اقدام قرار دیا۔

ایک پریس کانفرنس سے خطاب کرتے ہوئے تنظیم نے ان لوگوں پر بھی سخت تنقید کی جنہوں نے اویسی کو آسام کے دورے کی دعوت دی تھی۔ یوتھ کونسل نے الزام لگایا کہ اس طرح کے اقدامات ریاست کے اندر سماجی ہم آہنگی کو متاثر کر سکتے ہیں اور فرقہ وارانہ کشیدگی کو ہوا دے سکتے ہیں۔ تنظیم نے واضح کیا کہ وہ تقسیم کی سیاست کی کسی بھی شکل کی مخالفت کرتی ہے۔

دریں اثنا،کونسل نے اپنے صدر دیگنتا تمولی کو ان کے عہدے سے ہٹائے جانے کی خبروں کو واضح طور پر مسترد کردیا۔ تنظیم نے زور دے کر کہا کہ بعض ذرائع ابلاغ کی طرف سے شائع ہونے والی خبریں مکمل طور پر گمراہ کن اور غلط ہیں۔

ایک بیان میں، تنظیم کے جوائنٹ سکریٹری، دیپ جیوتی برواہ نے الزام لگایا کہ اس طرح کی خبریں بعض مفادات کے ذریعہ عوام کو گمراہ کرنے کے ارادے سے پھیلائی جارہی ہیں۔ انہوں نے میڈیا سے اپیل کی کہ وہ کوئی بھی رپورٹ شائع کرنے سے پہلے حقائق کی تصدیق کرے۔

ہندوستھان سماچار

---------------

ہندوستان سماچار / عبدالواحد