جموں, 05 اپریل (ہ س)جموں و کشمیر پولیس نے منشیات کے خلاف جاری مہم کے دوران ریاسی، پونچھ اور جموں اضلاع میں کارروائیاں کرتے ہوئے چھ مبینہ منشیات فروشوں کو گرفتار کر لیا اور ان کے قبضے سے ممنوعہ منشیات برآمد کیں۔

پولیس کے مطابق ریاسی ضلع کے کٹرا کے نزدیک پرانا درور مارکیٹ میں سوشل میڈیا پر منشیات فروشی کی ویڈیوز سامنے آنے کے بعد فوری کارروائی کی گئی، جس کے دوران چار افراد کو گرفتار کر کے ان کے قبضے سے ممنوعہ گولیوں کی کھیپ برآمد کی گئی۔

گرفتار افراد کی شناخت رشپال سنگھ، اتم سنگھ، سہال لال سکنہ کٹرا اور جوگندر سنگھ سکنہ کنجلی کے طور پر ہوئی ہے، جن کے خلاف قانونی کارروائی شروع کر دی گئی ہے۔

ادھر ضلع پونچھ کے منڈی علاقے میں پولیس نے چیکنگ کے دوران افتخار حسین کو 8.80 گرام ہیروئن سمیت گرفتار کیا، جبکہ جموں کے گجنسو علاقے میں کرلوپ پل کے قریب اترا کمار سوریہ ونشی (سکنہ چھتیس گڑھ) کو ایک کلو گانجا سمیت حراست میں لیا گیا۔

پولیس حکام کے مطابق دونوں ملزمان کے خلاف این ڈی پی ایس ایکٹ کے تحت مقدمات درج کر کے مزید تحقیقات جاری ہیں۔

ہندوستھان سماچار

---------------

ہندوستان سماچار / محمد اصغر