رانچی، 05 اپریل (ہ س): اتر پردیش، مدھیہ پردیش، اتراکھنڈ، آسام، پنجاب اور مہاراشٹر نے اتوار کو رانچی، جھارکھنڈ میں منعقد 16 ویں ہاکی انڈیا سب جونیئر خواتین قومی چمپئن شپ کے پانچویں دن اپنے اپنے میچوں میں فتوحات درج کیں۔

دن کا آغاز پول ڈی، ڈویژن اے کے میچ سے ہوا، جس میں اتر پردیش ہاکی نے چھتیس گڑھ ہاکی کو 1-5 سے شکست دی۔ کپتان ایریکا (7ویں منٹ، 57ویں منٹ) اور راشی سنگھ (35ویں منٹ، 49ویں منٹ) نے دو دو گول کئے۔ ممتا کماری (35ویں منٹ) نے ایک گول کا اضافہ کیا۔ چھتیس گڑھ ہاکی کے لیے واحد گول ریا خالکھو (50ویں منٹ) نے کیا۔

اسی ڈویژن میں ہاکی مدھیہ پردیش نے پول سی کے میچ میں منی پور ہاکی کو 3-6 سے شکست دی۔ ناز نوشین (12ویں، 33ویں اور 60ویں منٹ) نے ہیٹ ٹرک کی، جبکہ بھاویکا (15ویں، اور 22ویں) نے دو گول کئے۔ ہاکی مدھیہ پردیش کے لیے یادو جاگرتی (56ویں منٹ) نے بھی گول کیا۔ منی پور ہاکی کے لیے سیرم مینتھوئی چانو (23ویں، 38ویں) نے دو گول کیے، جبکہ چانو خریبام شکینبی (40ویں منٹ) نے تیسرا گول کیا۔

بعد ازاں دن میں ہاکی اتراکھنڈ نے پول بی کے ایک ڈویژن 'بی' میچ میں ہاکی گجرات کو 2-9 سے شکست دی۔ میناکشی (5ویں، 20ویں، 34ویں، 37ویں، 47ویں) نے پانچ گول کی کارکردگی دکھائی، جبکہ کرینہ (5ویں، 41ویں) نے دو گول جوڑے۔ دیویانی (22 ویں) اور ریا (54 ویں) نے بھی ہاکی اتراکھنڈ کے لئے گول کئے۔ ہاکی گجرات کی طرف سے کپتان پرمار (29ویں) اور کرشنا گھی والا (55ویں) نے گول کئے۔

اسی ڈویژن میں پول اے کے میچ میں آسام ہاکی نے ہاکی بنگال کو 2-3 سے شکست دی۔ ایکا جیوشنا (22 ویں اور 53 ویں منٹ) نے آسام ہاکی کے لیے دو گول کیے، جب کہ تنو یادو (29 ویں منٹ) نے بھی دو دو گول کیے ہاکی بنگال کی طرف سے خاتون کوشیش (9ویں اور 12ویں منٹ) نے دونوں گول کئے۔

ہاکی پنجاب نے ہاکی آندھرا پردیش کو ڈویژن اے کے ایک میچ میں 0-2 سے شکست دی، پول بی میں ہاکی پنجاب کی طرف سے راشمن کور (37ویں منٹ) اور جرمن پریت کور (56ویں منٹ) نے گول کئے۔

ڈویژن اے میں دن کے فائنل میچ میں ہاکی مہاراشٹرا نے ہاکی بہار پر 0-3 سے جیت درج کی۔ پوروا دوپارے (8ویں منٹ) نے پہلا گول کیا، جبکہ اونی راوت (49ویں اور 59ویں) نے دو گول کرکے فتح کو یقینی بنایا۔

---------------

ہندوستان سماچار / عبدالسلام صدیقی