پونے ، 5 اپریل (ہ س)۔ مرکزی وزیر مملکت برائے سماجی انصاف رام داس اٹھاولے نے کہا ہے کہ بارامتی اسمبلی حلقے کا ضمنی انتخاب بلا مقابلہ ہونا چاہیے اور اگر انتخاب ہوا تو وہ سنیترا پوار کی حمایت میں مہم چلانے بارامتی جائیں گے۔ انہوں نے بتایا کہ نائب وزیر اعلیٰ سنیترا پوار نے ان سے ٹیلی فون پر رابطہ کیا تھا، جس کے بعد انہوں نے یہ مؤقف اختیار کیا کہ انتخاب بلا مقابلہ ہونا چاہیے۔رام داس اٹھاولے نے کہا کہ کانگریس کے ریاستی صدر ہرش وردھن سپکال کو اس انتخاب میں حصہ لینے سے گریز کرنا چاہیے اور لوک سبھا میں اپوزیشن لیڈر راہل گاندھی کو انہیں اس حوالے سے ہدایت دینی چاہیے۔یہ بیان انہوں نے ریپبلکن پارٹی کی ریاستی ورکنگ کمیٹی اور اہم رہنماؤں کی میٹنگ کے دوران دیا.

ہندوستھان سماچار

--------------------

ہندوستان سماچار / جاوید این اے