کاٹھمنڈو، 05 اپریل (ہ س)۔ پیٹرولیم مصنوعات کی بڑھتی ہوئی درآمد اور ماحولیاتی آلودگی کو کم کرنے کے لیے نیپال حکومت نے پرانی ڈیزل اور پیٹرول گاڑیوں کو الیکٹرک گاڑیوں میں تبدیل کرنے کی اجازت دینے کا پالیسی فیصلہ کیا ہے۔

نیپال حکومت کے ترجمان اور وزیر تعلیم سسمیت پوکھرل نے کہا کہ وزراءکی کونسل نے اتوار کو ہونے والی میٹنگ میں ضروری قانونی رکاوٹوں کو دور کرنے کا فیصلہ کیا اور متعلقہ اداروں کو اس کے لیے مناسب انتظامات کرنے کی ہدایت کی۔ انہوں نے کہا کہ یہ فیصلہ ماحولیات کے تحفظ اور ایندھن کے استعمال کو کم کرنے کے مقصد سے کیا گیا ہے۔ فی الحال پرانی ایندھن سے چلنے والی گاڑیوں کو الیکٹرک میں تبدیل کرتے ہوئے رجسٹریشن، تجدید اور تکنیکی معیارات سے متعلق واضح قانونی نظام نہ ہونے کی وجہ سے گاڑیوں کے مالکان کو کئی مسائل کا سامنا تھا۔

ترجمان پوکھرل نے کہا کہ ڈیزل اور پیٹرول والی گاڑیوں کو الیکٹرک گاڑیوں میں تبدیل کرنے کے لیے ضروری قانونی انتظامات کیے جائیں گے۔ اس سے ایندھن پر انحصار کم ہوگا اور دوسری طرف نیپال میں قابل تجدید توانائی (بجلی) کے استعمال کو فروغ ملے گا۔ اس حکومتی فیصلے سے اب پرانی گاڑیوں کوا سکریپ ہونے کے بجائے کم قیمت پر ماحول دوست گاڑیوں میں تبدیل کیا جا سکے گا۔

---------------

ہندوستان سماچار / عبدالسلام صدیقی