کاٹھمنڈو، 5 اپریل (ہ س) نیپال کی حکومت نے اتوار کو دو اہم فیصلوں کا اعلان کرتے ہوئے سرکاری دفاتر کے لیے ہفتہ اور اتوار کو دو ہفتہ وار تعطیلات کا اعلان کیا۔ نئے فیصلے میں سرکاری دفاتر کے کھلنے کے اوقات صبح 9 بجے سے شام 5 بجے تک مقرر کیے گئے ہیں۔

حکومتی ترجمان سسمیت پوکھرل نے بتایا کہ سرکاری دفاتر اور تعلیمی ادارے اب ہفتہ اور اتوار کو بند رہیں گے۔ انہوں نے وضاحت کی کہ یہ فیصلہ پیٹرولیم سپلائی کے حوالے سے ناگفتہ بہ صورتحال کے باعث کیا گیا ہے۔ پوکھرل کے مطابق یہ انتظام کل، پیر سے نافذ العمل ہوگا۔ حکومت نے سرکاری دفاتر کے اوقات کار صبح 9 بجے سے شام 5 بجے تک ایڈجسٹ کرنے کا فیصلہ کیا ہے۔

وزراءکونسل کے اجلاس میں تعلیمی اداروں کے علاوہ تمام سرکاری دفاتر کا وقت صبح 9 بجے سے شام 5 بجے تک برقرار رکھنے کا فیصلہ کیا گیا ہے۔ اس مدت کا اطلاق تعلیمی اداروں کے علاوہ دیگر تمام سرکاری دفاتر پر ہوگا۔

---------------

ہندوستان سماچار / عبدالسلام صدیقی