کاٹھمنڈو ، 5 اپریل (ہ س)۔ وزارت داخلہ کی ہدایات کے بعد نیپال پولیس نے جارحانہ تلاشی مہم شروع کی ہے۔ 24 گھنٹوں کے اندر پولیس نے 200 سے زائد ہسٹری شیٹرز کو گرفتار کیا ہے۔ڈپٹی انسپکٹر جنرل آف پولیس اوینارائن کافلے کے مطابق، گرفتار کیے گئے افراد میں عام شہریوں کو ہراساں کرنے والے درمیانی افراد سے لے کر عوامی مقامات پر بدتمیزی اور غنڈہ گردی میں ملوث افراد تک شامل ہیں۔ پولیس نے آپریشن کے پہلے دن، 3 اپریل کو،کاٹھمنڈو سے 51 اور صوبہ کوشی سے 18 افراد کی گرفتاری کے ساتھ اپنی کارروائیاں تیز کر دیں۔ اگلے دن، 4 اپریل کوشی ، مدھیس ، باگمتی ، گنڈکی، اور کرنالی صوبوں سے مزید 44 افراد کو گرفتار کیا گیا۔

اپنی مہم کو جاری رکھتے ہوئے پولیس نے آج 5 اپریل کو مدھیس ، گنڈکی ، لمبینی، اور سدورپچھم صوبے سے 24 افراد کو حراست میں لیا ، جبکہ 62 کوکاٹھمنڈو میں گرفتار کیا گیا۔ یہ مہم خاص طور پر مڈل مینوں اور’ محلوں کے ڈون ‘ کو نشانہ بناتی ہے۔ مڈل مین، خاص طور پر وہ لوگ جو سرکاری دفاتر اور عوامی خدمت کے مراکز میں سروس وصول کرنے والوں کو ہراساں کرتے ہیں، پولیس کی ترجیح ہیں۔ترجمان کفلے نے کہا کہ عوامی خدمات کے خواہشمند شہریوں کو ہراساں کرنے والوں اور معاشرے میں انتشار پھیلانے والوں کو کسی صورت بخشا نہیں جائے گا۔ یہ مہم صرف شروعات ہے اور اسے مزید زور و شور سے پھیلایا جائے گا۔ سرکاری دفاتر میں ’ سیٹنگ ‘ اور محلوں میں غنڈوں کے اثر و رسوخ کی دیرینہ شکایات کے بعد ، پولیس نے ہوم ایڈمنسٹریشن کی ہدایات پر یہ کارروائی شروع کی۔ عوامی مقامات پر سیکورٹی کو یقینی بنانے اور گڈ گورننس کو برقرار رکھنے کے لیے پولیس سویلین کپڑوں میں ٹیمیں تعینات کر کے بھی نگرانی بڑھا رہی ہے۔

ہندوستھان سماچار

ہندوستان سماچار / Mohammad Khan