موتیہاری، 4 اپریل (ہ س)۔ بہار کے مشرقی چمپارن ضلع کے موتیہاری میں مہاتما گاندھی سنٹرل یونیورسٹی کے تیسرے کانووکیشن میں طلباء، اساتذہ اور اسکالر سے خطاب کرتے ہوئے نائب صدر جمہوریہ سی پی رادھا کرشنن نے بہار کے تاریخی اور نظریاتی ورثے کی تعریف کی۔نائب صدر جمہوریہ نے کہا کہ یہ سرزمین عظیم نظریات کی سرزمین ہے، جہاں گوتم بدھ اور مہاتما گاندھی جیسی عظیم شخصیات نے علم و عرفان حاصل کی اور اپنی زندگی کا مقصد طے کیا۔ انہوں نے کہا کہ بہار کی سرزمین پر بدھ مت، جین مت اور سوشلسٹ نظریہ نے جنم لیا۔ جے پرکاش نارائن کا ذکر کرتے ہوئے انہوں نے کہا کہ انہوں نے ملک کے اخلاقی اور سیاسی شعور کو ایک نئی سمت دی۔ اپنی جوانی کو یاد کرتے ہوئے انہوں نے 1974 کے انقلاب میں اپنی شرکت کا بھی ذکر کیا۔سی پی رادھا کرشنن نے کہا، بہار نے لوک نائک جے پرکاش نارائن جیسے بصیرت والے رہنما پیدا کیے ہیں، جنہوں نے ہندوستان کے اخلاقی اور سیاسی شعور کو تشکیل دیا۔ جب میں 18 یا 19 سال کا تھا کوئمبٹور کے ضلع جنرل سکریٹری کے طور پر 1974 کے انقلاب میں حصہ لیا تھا۔انہوں نے کہا کہ ملک نے گزشتہ دہائی میں وزیر اعظم نریندر مودی کی قیادت میں غیر معمولی ترقی کی ہے۔ انہوں نے طلباء پر زور دیا کہ وہ قوم پرستی کو اپنائیں اور ایک صحت مند، مضبوط اور اخلاقی معاشرے کی تعمیر میں فعال کردار ادا کریں جو کسی بھی غیر اخلاقی چیز کو برداشت نہ کرے۔نائب صدر جمہوریہ نے کہا کہ ہندوستان آج دنیا کی چوتھی سب سے بڑی معیشت بن گیا ہے اور جلد ہی تیسرے مقام پر پہنچنے کے لئے تیار ہے۔ انہوں نے قومی تعلیمی پالیسی 2020 کو مؤثر طریقے سے نافذ کرنے پر یونیورسٹی کی تعریف کی۔ انہوں نے مصنوعی ذہانت اور ڈیٹا سائنس جیسے جدید شعبوں میں ہونے والی اختراعات کو بھی ملک کی ترقی کے لیے انتہائی اہم قرار دیا۔کانووکیشن میں ڈگریاں حاصل کرنے والے طلباء سے خطاب کرتے ہوئے انہوں نے کہا کہ یہ کامیابی صرف ذاتی کامیابی نہیں بلکہ معاشرے کے تئیں ذمہ داری کی علامت ہے۔ انہوں نے اساتذہ اور والدین کے تعاون کو بھی سراہا۔اس موقع پر نائب صدر جمہوریہ نے بہتر کرنے والے طلباء کو گولڈ میڈل پیش کئے۔ تقریب کے بعد وہ مغربی چمپارن کے گوناہا بلاک میں بھیتیہاروا گاندھی آشرم جائیں گے اور مہاتما گاندھی کو خراج عقیدت پیش کریں گے۔اس کانووکیشن میں بہار کے گورنر لیفٹیننٹ (ریٹائرڈ) جنرل سید عطا حسنین، مرکزی وزیر ستیش چندر دوبے، نائب وزیر اعلیٰ سمراٹ چودھری، وزیر تعلیم سنیل کمار سمیت کئی معززین موجود تھے۔ہندوستھان سماچار

ہندوستان سماچار / Mohammad Afzal Hassan