رنبیر کپور کی انتہائی متوقع فلم رامائن کا پہلا ٹیزر 2 اپریل کو ہنومان جینتی کے موقع پر جاری کیا گیا تھا۔ ٹیزر میں رنبیر کو پہلی بار مریادا پرشوتم شری رام کے طور پر دکھایا گیا، جس نے سامعین میں جوش پیدا کیا۔ تاہم بھارت سے پہلے لاس اینجلس میں ٹیزر کی لانچنگ نے سوشل میڈیا پر تنازعہ کھڑا کر دیا۔

فلم کے پروڈیوسر نمت ملہوترا نے واضح کیا کہ ٹیزر کو پہلے لاس اینجلس میں دکھانے کا مقصد امتیازی سلوک نہیں بلکہ رامائن کی کہانی کو عالمی ناظرین تک پہنچانا تھا۔ انہوں نے کہا، دنیا ایک ہے، صرف ایک ہی رامائن ہے، اور صرف ایک ہی رام ہے۔

یہ بات قابل غور ہے کہ ٹیزر کی خصوصی اسکریننگ لاس اینجلس کے ایکآئی میکس تھیٹر میں منعقد کی گئی۔ ٹیزر کی ریلیز کے بعد کچھ سوشل میڈیا صارفین نے ناراضگی کا اظہار کرتے ہوئے اسے ہندوستانی سامعین کی توہین قرار دیا۔ کچھ لوگوں نے فلم کی بین الاقوامی حکمت عملی پر بھی سوال اٹھایا۔ تاہم، پروڈیوسروں نے واضح کیا کہ ان کا مقصد اس مہاکاوی کو عالمی سطح پر پیش کرنا ہے۔ یہ فلم 2026 دیوالی پر سینما گھروں میں ریلیز ہونے والی ہے۔

---------------

ہندوستان سماچار / عبدالسلام صدیقی