نئی دہلی، 28 اپریل (ہ س)۔ گھریلو شیئر بازار آج ابتدائی کاروبار کے دوران نچلی سطح سے ریکور کرتا ہوا نظر آ رہا ہے۔ آج کے کاروبار کی شروعات کمزوری کے ساتھ ہوئی تھی۔ بازار کھلتے ہی خریداروں نے خریداری کا زور بنا دیا، جس سے سینسیکس اور نفٹی دونوں انڈیکس پہلے 10 منٹ کے کاروبار میں ہی ریکور کر کے سبز نشان میں پہنچ گئے۔ اس کے بعد بازار میں کچھ دیر تک اتار چڑھاو بھی ہوتا رہا، لیکن تھوڑی دیر میں ہی خریداروں نے اپنا زور بنا دیا۔ صبح 10 بجے تک کا کاروبار ہونے کے بعد سینسیکس 0.16 فیصد اور نفٹی 0.29 فیصد کی مضبوطی کے ساتھ کاروبار کر رہے تھے۔

10 بجے تک کا کاروبار ہونے کے بعد شیئر بازار کے سرکردہ شیئروں میں سے سن فارماسیوٹیکلز، جیو فائنانشل، ریلائنس انڈسٹریز، وپرو اور ٹیک مہندرا کے شیئر 6.98 فیصد سے لے کر 2.77 فیصد کی مضبوطی کے ساتھ کاروبار کر رہے تھے۔ دوسری جانب، سری رام فائنانشل، ایکسس بینک، ہندوستان الیکٹرانکس، ٹاٹا کنزیومر پروڈکٹس اور آئی سی آئی سی آئی بینک کے شیئر 3.62 فیصد سے لے کر 0.91 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,624 شیئروں میں ایکٹیو ٹریڈنگ ہو رہی تھی۔ ان میں سے 1,637 شیئر منافع کما کر سبز نشان میں کاروبار کر رہے تھے، جبکہ 987 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 16 شیئر خریداری کی حمایت سے سبز نشان میں برقرار تھے۔ دوسری جانب 14 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 31 شیئر سبز نشان میں اور 19 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 208.84 پوائنٹس کی گراوٹ کے ساتھ 77,094.79 پوائنٹس کی سطح پر کھلا۔ کاروبار کی شروعات ہوتے ہی خریداروں نے خریداری کا زور بنا دیا، جس سے کچھ دیر میں ہی یہ انڈیکس اضافے کے ساتھ سبز نشان میں 77,335.37 پوائنٹس کی سطح تک پہنچ گیا۔ اس کے بعد خریدار اور فروخت کنندگان کے درمیان رسہ کشی شروع ہو گئی، جس سے کچھ دیر تک اس انڈیکس کی چال بھی اوپر نیچے ہوتی رہی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 120.65 پوائنٹس کی مضبوطی کے ساتھ 77,424.28 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 42.80 پوائنٹس کی گراوٹ کے ساتھ 24,049.90 پوائنٹس کی سطح سے کاروبار کی شروعات کی۔ بازار کھلنے کے بعد خریداروں نے خریداری کا زور بنا دیا، جس سے تھوڑی دیر میں ہی یہ انڈیکس بہتر ہوکر سبز نشان میں پہنچنے میں کامیاب رہا۔ اس کے بعد فروخت کا جھٹکا لگنے پر نفٹی کچھ دیر کے لیے دوبارہ سرخ نشان میں گر گیا، لیکن تھوڑی دیر بعد ہی خریداروں نے خریداری شروع کر کے اس انڈیکس کو سہارا دے دیا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 70.70 پوائنٹس کی تیزی کے ساتھ 24,163.40 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن