بالی ووڈ کی مقبول ’ڈان‘ فرنچائز کی تیسری قسط کو لے کر جاری تنازع کے درمیان اداکار رنویر سنگھ کی فلم سے علیحدگی کی خبروں نے ہلچل مچا دی ہے۔ رنویر کو ابتدائی طور پر اگست 2023 میں شاہ رخ خان کے بعد نئے ڈان کے طور پر اعلان کیا گیا تھا، لیکن دسمبر 2025 میں دھورندھر کی ریلیز کے بعد ان کی رخصتی کی خبریں سامنے آئیں۔ اس سے فلم کی تیاریوں پر اثر پڑا، اور ایکسل انٹرٹینمنٹ کو مبینہ طور پر پری پروڈکشن کی لاگت کی وجہ سے تقریباً 40 کروڑ کے نقصان کا سامنا ہے۔

ڈائریکٹر پروڈیوسر فرحان اختر نے اب اس پورے واقعے پر اپنی خاموشی توڑ دی ہے۔ انہوں نے ایک انٹرویو میں کہا کہ فلم سازی ایک غیر یقینی عمل ہے اور شوٹنگ مکمل ہونے تک کسی چیز کو یقینی نہیں سمجھا جاسکتا۔ اسے اپنے لیے ایک اہم سبق قرار دیتے ہوئے، فرحان نے کہا کہ کسی بھی صورت حال کے لیے تیار رہنا ضروری ہے۔ اپنی ابتدائی فلم دل چاہتا ہے کا ذکر کرتے ہوئے انہوں نے عامر خان اور سیف علی خان کے ساتھ کام کرنے کے اپنے تجربے کو یاد کیا۔

اس دوران یہ معاملہ قانونی موڑ بھی لے چکا ہے۔ رپورٹس کے مطابق اس تنازعہ کو پروڈیوسرز گلڈ آف انڈیا لے جایا گیا جہاں دونوں فریقین کو باہمی رضامندی سے حل تلاش کرنے کا مشورہ دیا گیا۔ رنویر سنگھ نے مبینہ طور پر نقصانات کی تلافی کے لیے اپنی 10 کروڑ روپے کی سائننگ رقم واپس کرنے اور اپنی اگلی فلم پرلے میں حصہ لینے کی پیشکش کی ہے۔ تاہم، ابھی تک کسی حتمی تصفیے کی باضابطہ طور پر تصدیق نہیں ہوئی ہے، اور بات چیت جاری ہے۔

---------------

ہندوستان سماچار / عبدالسلام صدیقی