نئی دہلی، 28 اپریل (ہ س)۔ مرکزی تفتیشی بیورو (سی بی آئی) نے 60.86 لاکھ روپے کے بینک فراڈ کیس میں طویل عرصے سے مفرور ملزم منوج کمار سنہا کو گرفتار کیا ہے۔ ملزم 2012 میں مقدمہ درج ہونے کے بعد سے مفرور تھا۔

سی بی آئی کے مطابق، یہ کیس 16 اپریل 2012 کو بی ایس این ایل کی شکایت کی بنیاد پر درج کیا گیا تھا، جس میں ایس بی آئی شیلانگ مین برانچ، بی ایس این ایل شیلانگ اور دیگر کے نامعلوم اہلکاروں کے ذریعہ بی ایس این ایل اکاو¿نٹ سے غیر قانونی طور پر 60.86 لاکھ روپے نکالنے کا الزام عائد کیا گیا تھا۔

تفتیش کی تکمیل کے بعد، سی بی آئی نے 23 دسمبر 2013 کو اس معاملے میں سنجیو کمار رائے کے خلاف چارج شیٹ داخل کی۔ مزید تفتیش کی بنیاد پر، مفرور ملزم منوج سنہا اور دیگر کے خلاف 22 جولائی 2021 کو ایک ضمنی چارج شیٹ داخل کی گئی۔

منوج کمار سنہا تحقیقات میں شامل نہیں ہوا اور اسے مفرور قرار دے دیا گیا۔ عدالت کے ذریعہ اس کے خلاف وارنٹ گرفتاری جاری کیا گیا تھا، لیکن وہ طویل عرصے سے پکڑا نہیں جا رہا تھا۔

تکنیکی اور جسمانی نگرانی، کال ڈیٹیل ریکارڈ کے تجزیہ اور دیگر معلومات کی بنیاد پر، سی بی آئی نے ملزم کو 28 اپریل 2026 کو بہار کے پٹنہ میں واقع اس کے نئے ٹھکانے سے گرفتار کر لیا گیا۔ گرفتار ملزم کو ٹرانزٹ وارنٹ پر پٹنہ سے شیلانگ لے جایا جائے گا، جہاں اسے خصوصی جج کے سامنے پیش کیا جائے گا۔

ہندوستھان سماچار

ہندوستان سماچار / محمد شہزاد