نئی دہلی، مغربی ایشیا میں کشیدگی کو کم کرنے کے لیے امریکہ اور ایران کے درمیان امن مذاکرات کے دوسرے دور کے آغاز کے امکان نے آج عالمی منڈی میں جوش و خروش پیدا کر دیا ہے۔ گھریلو اسٹاک مارکیٹ بھی امن مذاکرات کی امید پر ابتدائی تجارت میں تیزی سے چل رہی ہے۔ آج کی تجارت بھی مضبوط انداز میں شروع ہوئی۔ بازار کھلنے کے فورا بعد منافع لینے کیلئے معمولی فروخت بھی ہوئی، لیکن تھوڑی دیر کے بعد، خریداروں نے دوبارہ بازار میں قدم رکھا۔ خریداری کی حمایت سینسکس اور نفٹی دونوں اشاریوں میں تیزی کا باعث بنی۔ تجارت کے پہلے گھنٹے کے بعد سینسکس 0.78 فیصدپر تجارت کر رہا تھا اور نفٹی 0.77 فیصداضافہ کے ساتھ تجارت کر رہا تھا۔اسٹاک مارکیٹ کے ہیوی ویٹس میں، سن فارماسیوٹیکلز، اڈانی پورٹس، جے ایس ڈبلیو اسٹیل، کوٹک مہندرا اور ٹیک مہندرا افتتاحی گھنٹہ کے بعد 7.36 فیصد سے 1.99 فیصد کے فوائد کے ساتھ تجارت کر رہے تھے۔ دوسری طرف، ایکسس بینک، شری رام فنانس، بھارت الیکٹرانکس، کول انڈیا اور بجاج فنانس میں 0.96 فیصد سے 0.15 فیصد کے درمیان تجارت ہوئی۔اسٹاک مارکیٹ میں 2,815 حصص فعال تجارت میں تھے۔ ان میں سے 2,386 حصص منافع کے ساتھ سبز رنگ میں تجارت کر رہے تھے، جبکہ 429 حصص نقصان کے ساتھ سرخ رنگ میں تھے۔ اسی طرح، 30 حصص والے سینسکس پیک میں سے 26 حصص خریداری کی حمایت پر سبز رنگ میں تجارت کر رہے تھے۔ دوسری طرف، چار اسٹاک فروخت کے دباو¿ پر سرخ رنگ میں تجارت کر رہے تھے۔ نفٹی انڈیکس کے 50 اسٹاک میں سے 42 سبز رنگ میں تجارت کر رہے تھے، جبکہ آٹھ سرخ رنگ میں تھے۔بی ایس ای کا سینسکس آج 191.84 پوائنٹس کے اضافے کے ساتھ 76,856.05 پوائنٹس پر کھلا۔ تجارت شروع ہونے کے فورا بعد فروخت کے دباو¿ کی وجہ سے یہ انڈیکس 76,754.20 پوائنٹس کی سطح پر گر گیا۔ اس کے بعد خریداروں نے خریداری میں تیزی لائی، جس کی وجہ سے سینسکس میں تیزی آئی۔ مسلسل خریداری کی مدد سے انڈیکس صبح 10 بجے کے قریب 677.32 پوائنٹس چھلانگ لگا کر 77,341.53 پر پہنچ گیا۔ صبح 10 بج کر 15 منٹ پر سینسکس 77,260.28 پوائنٹس پر ٹریڈ کر رہا تھا، جو مارکیٹ میں مسلسل خرید و فروخت کے درمیان ٹریڈنگ کے پہلے گھنٹے کے بعد 596.07 پوائنٹس زیادہ تھا۔سینسکس کی طرح این ایس ای نفٹی بھی 47.5 پوائنٹس کی چھلانگ لگا کر 23,945.45 پر تجارت کر رہا تھا۔ مارکیٹ کھلنے کے بعد کچھ وقت کے لیے اس انڈیکس کی حرکت میں اتار چڑھاو¿ آیا۔ فروخت کے دباو¿ میں نفٹی 23,936.20 پر گر گیا۔ دوسری طرف، خریداری کی حمایت کی سے، انڈیکس 24,000 کا ہندسہ عبور کر کے 24,107.6 تک پہنچ گیا۔ بازار میں مسلسل خرید و فروخت کے درمیان ٹریڈنگ کے ابتدائی گھنٹے کے بعد، صبح 10 بج کر 15 منٹ پر نفٹی 186 پوائنٹ اضافے کے ساتھ 24,084.70 پر ٹریڈ کر رہا تھا۔اس سے قبل جمعہ کو، ہفتے کے آخری تجارتی دن، سینسکس 799.79 پوائنٹس یا 1.29 فیصد کی کمی کے ساتھ 76,664.21 پوائنٹس پر بند ہوا۔ جمعہ کی تجارت نفٹی 275.10 پوائنٹس یا 1.14 فیصد کی کمی کے ساتھ 23,897.95 پر ختم ہوئی تھی۔

---------------

ہندوستان سماچار / عبدالسلام صدیقی