وارانسی، 26 اپریل (ہ س)۔

اتر پردیش کی اسپیشل ٹاسک فورس (ایس ٹی ایف) اور کینٹ پولیس اسٹیشن کی مشترکہ ٹیم نے اتوار کو ایک بڑی کارروائی میں ایک بین ریاستی منشیات اسمگلر کو گرفتار کیا۔ املیا گھاٹ پھلو ریہ علاقہ میں گاڑی کی جانچ کے دوران ملزم سے 107.140 کلو گرام غیر قانونی گانجہ برآمد کیا گیا جس کی بین الاقوامی مارکیٹ میں قیمت تقریباً 55لاکھ روپے ہے۔

گرفتار ملزم کی شناخت اجے گری (42) ولد منگلا گری کے طور پر کی گئی ہے، جو مصطفی آباد، ہلدھر پور تھانہ، مو¿ ضلع کا رہنے والا ہے۔ پولیس نے ملزم کو تھانہ کینٹ میں میڈیا کے سامنے پیش کیا۔

اسسٹنٹ کمشنر آف پولیس (اے سی پی) کینٹ اپوروا پانڈے نے بتایا کہ یہ آپریشن ”آپریشن چکرویہ“ کے تحت کیا گیا۔ انہوں نے کہا کہ اسپیشل ٹاسک فورس (ایس ٹی ایف) مختلف ریاستوں میں منشیات کی اسمگلنگ میں ملوث گروہوں کی سرگرمیوں کے بارے میں معلومات حاصل کر رہی ہے۔ اس سلسلے میں ایس ٹی ایف لکھنو¿ کے ایڈیشنل سپرنٹنڈنٹ پولیس دنیش کمار سنگھ کی ہدایت پر انٹیلی جنس اکٹھا کرنے کا کام جاری تھا۔

اطلاع کی بنیاد پر ایس ٹی ایف کی ٹیم اور کینٹ پولیس نے مشترکہ طور پر وارانسی-جون پور ہائی وے پر پھلوریہ پل سے تقریباً 200 میٹر آگے ایک مشتبہ شیورلیٹ کروز کار کو روکا۔ گاڑی کی تلاشی لینے پر بھاری مقدار میں چرس برآمد ہوئی۔ پولیس نے ملزمین سے دو موبائل فون بھی قبضے میں لے لیے۔

ہندوستھان سماچار

ہندوستان سماچار / عطاءاللہ