بلاک بسٹر فلم جوان کے ہدایت کار ایٹلی اور ان کی اہلیہ پریا ایٹلی کی دہلیز پر خوشی پہنچ گئی ہے۔ یہ جوڑا دوسری بار والدین بن گیا ہے۔ ایٹلی نے بیٹی کی پیدائش کا اعلان کرتے ہوئے سوشل میڈیا پر مداحوں کے ساتھ خوشخبری شیئر کی۔ انہوں نے ایک جذباتی ویڈیو پوسٹ کی جس میں ان کا بیٹا میر اپنی چھوٹی بہن کی آمد کا خیرمقدم کرتے نظر آ رہا ہے۔

انسٹاگرام پر پوسٹ شیئر کرتے ہوئے ایٹلی نے لکھا، خوش قسمت محسوس کر رہا ہوں۔ انہوں نے ایک پیارا پوسٹر بھی شیئر کیا جس میں لکھا تھا، اب میری ایک چھوٹی بہن ہے - بڑا بھائی میر۔ اس جوڑے نے اس سے قبل خاندانی فوٹو شوٹ کے ذریعے اپنی دوسری حمل کا اعلان کیا تھا اور مداحوں سے محبت اور آشیرواد کی درخواست کی تھی۔

اس خوشخبری کے بعد کئی ستاروں نے جوڑے کو مبارکباد دی۔ سامنتھا روتھ پربھو، کیرتھی سریش، اور کاجل اگروال سمیت کئی فنکاروں نے سوشل میڈیا پر اپنی نیک خواہشات بھیجیں۔ ایٹلی اور پریا نے 2014 میں شادی کی اور 2023 میں اپنے پہلے بیٹے میر کا استقبال کیا۔ اب خاندان میں بیٹی کی آمد نے ان کی خوشیوں کو دوبالا کر دیا ہے۔

---------------

ہندوستان سماچار / عبدالسلام صدیقی