راجدھانی پٹنہ میں تقریباً 20 لاکھ روپے کے زیورات کی لوٹ

پٹنہ، 19 اپریل (ہ س)۔ پٹنہ کے رام کرشن نگر تھانہ علاقے میں اتوار کے روز دن دہاڑے بدمعاشوں نے بندوق کی نوک پر 20 لاکھ روپے کے زیورات لوٹ لئے اور فرار ہوگئے۔ پولیس کے مطابق، دھن کالونی چوراہے کے قریب واقع شری لکشمی الانکار جوئیلرس میں پانچ لٹیرے داخل ہوئے اور بندوق کی نوک پر دکاندار کو لوٹ لیا۔ دکاندار نے مزاحمت کی تو لٹیروں نے اسے پستول کے بٹ سے مارا جس سے وہ زخمی ہوگیا۔ واقعے کی اطلاع ملتے ہی پولیس کے متعدد اہلکار جائے وقوعہ پر پہنچی اور تفتیش شروع کردی ہے۔ پولیس نے متاثرہ دکاندار کے بیان کی بنیاد پر ایف آئی آر درج کر لی ہے۔

سٹی ایس پی (ایسٹ) پراچھے کمار نے بتایا کہ پولیس بدمعاشوں کی تلاش میں مسلسل چھاپہ ماری کر رہی ہے۔ متاثرہ دکاندار دھننجے کمار نے بتایا کہ وہ صارفین کے ساتھ دکان میں تھے جب پانچ لٹیرے دو موٹر سائیکلوں پر آئے۔ تمام لٹیروں نے اپنی شناخت چھپانے کے لیے ہیلمٹ پہن رکھے تھے۔ دکان میں داخل ہوتے ہی انہوں نے اپنا اسلحہ نکال لیا۔ بندوق کی نوک پر یرغمال بنایا، مزاحمت کرنے پر حملہ کر دیا۔

دکاندار کے مطابق جب لٹیرے دکان میں داخل ہوئے تو تین گاہک اندر تھے۔ دکاندار نے بتایا کہ چوری ہونے والے سامان میں تقریباً 100 گرام سونے کے زیورات اور تقریباً 3 کلو چاندی کے زیورات شامل ہیں۔ چوری ہونے والے زیورات کی کل مالیت 20 لاکھ روپے سے زائد بتائی جاتی ہے۔ جرم کے ارتکاب کے بعد لٹیرے اپنے ہتھیار پھینک کر باآسانی موقع سے فرار ہو گئے۔

ہندوستھان سماچار

ہندوستان سماچار / Mohammad Afzal Hassan