تہران/اسلام آباد، 19 اپریل (ہ س)۔ مغربی ایشیا میں بڑھتی ہوئی کشیدگی کے درمیان ایران اور پاکستان کی اعلیٰ قیادت کے درمیان سفارتی مصروفیات تیز ہو گئی ہیں۔ اسی تناظر میں اتوار کو ایران کے وزیر خارجہ عباس عراقچی اور پاکستان کے وزیر خارجہ محمد اسحاق ڈار کے درمیان اہم ٹیلی فونک گفتگو ہوئی۔ دونوں رہنماو¿ں نے علاقائی اور بین الاقوامی پیش رفتوں بالخصوص امریکہ، اسرائیل اور ایران کے درمیان جاری کشیدگی پر تبادلہ خیال کیا۔ پاکستان کی وزارت خارجہ کے مطابق بات چیت کے دوران اس بات پر زور دیا گیا کہ موجودہ بحران کا حل مسلسل مذاکرات اور سفارتی کوششوں سے ہی ممکن ہے۔

ان بات چیت کے دوران دونوں فریقوں نے امن و استحکام کو ترجیح دینے کی ضرورت پر اتفاق کیا۔ ان کا خیال ہے کہ خطے میں کشیدگی کو کم کیا جا سکتا ہے، اور وسیع تر استحکام صرف اور صرف بات چیت اور باہمی تعاون کے ذریعے قائم کیا جا سکتا ہے۔

اس تناظر میں ایرانی صدر مسعود پیزشکیان اور پاکستانی وزیر اعظم شہباز شریف کے درمیان ٹیلی فون پر بات چیت کی بھی تجویز دی گئی ہے جس سے دونوں ممالک کے درمیان تعاون کو مزید مضبوط بنانے کی توقع ہے۔

یہ سفارتی مصروفیات ایک ایسے وقت میں سامنے آ رہی ہیں جب ڈونلڈ ٹرمپ نے اعلان کیا ہے کہ ایران سے متعلق معاملات پر بات چیت کے لیے امریکی وفد پیر کو اسلام آباد پہنچے گا۔

---------------

ہندوستان سماچار / عبدالسلام صدیقی