میدنی پور، 18 اپریل (ہ س) مغربی میدنی پور ضلع کے دانتن اسمبلی حلقہ میں ہفتہ کی صبح ترنمول کانگریس کے امیدوار مانک میتی کی حمایت میں ایک عظیم الشان روڈ شو کا انعقاد کیا گیا، جس میں بڑے پیمانے پر جوش و خروش دیکھا گیا۔ روڈ شو کا اصل مرکز سابق اسٹار کرکٹر اور ترنمول ایم پی یوسف پٹھان تھے۔

دناتن کے سبڑہ علاقے میں منعقدہ تقریب میں یوسف پٹھان کو کھلی گاڑی سے لوگوں سے بات چیت کرتے ہوئے دیکھا گیا۔ ان کے ساتھ دناتن نمبر 2 بلاک ترنمول کانگریس کے صدر شیخ افتخار علی اور پارٹی کے دیگر قائدین بھی موجود تھے۔

ورلڈ کپ جیتنے والے کرکٹر کی ایک جھلک دیکھنے کے لیے سڑک کے دونوں طرف ہزاروں لوگ قطار میں کھڑے تھے۔ پولیس اور رضاکاروں کو ہجوم پر قابو پانے کے لیے جدوجہد کرنا پڑی۔

روڈ شو کے دوران یوسف پٹھان نے اپنی گاڑی سے ہجوم کوہاتھ لہراکرجواب دیا۔ انہوں نے عوام سے بھی اپیل کی کہ وہ مانک میتی کی زبردست جیت کو یقینی بنائیں اور ترقی کے عمل کو آگے بڑھانے کے لیے جوڑاپھول (ترنمول کے انتخابی نشان) کو ووٹ دیں۔ روڈ شو، جو سبڑہ موڑسے شروع ہوا، کئی گلیوں سے گزرا اور آخر کار ایک عوامی ریلی میں اختتام پذیر ہوا۔

---------------

ہندوستان سماچار / عبدالسلام صدیقی