نئی دہلی، 18 اپریل (ہ س)۔ راجیہ سبھا کے چیئرمین سی پی رادھا کرشنن نے ڈاکٹر کے ایس سوم شیکھر کو راجیہ سبھا سکریٹریٹ میں سکریٹری کے عہدے پر تقرری دی ہے۔

راجیہ سبھا سکریٹریٹ کے مطابق ان کی تقرری آج سے موثر ہوگئی۔ ڈاکٹر سوم شیکھر نے 1993 میں راجیہ سبھا سکریٹریٹ میں شمولیت اختیار کی تھی اور اس کے بعد کئی اہم عہدوں پر فائز رہ چکے ہیں۔ انہوں نے ایڈیشنل سکریٹری، جوائنٹ سکریٹری اور ڈائریکٹر جیسے اہم عہدوں پر کام کیا ہے۔ انہیں پارلیمانی طریقہ کار، انتظامیہ اور کمیٹی کے کام کا وسیع تجربہ ہے۔

وہ کرناٹک حکومت میں بھی اعلیٰ عہدوں پر فائز رہ چکے ہیں اور بین الاقوامی پارلیمانی فورمز میں ہندوستان کی نمائندگی کر چکے ہیں۔ انہوں نے برطانیہ اور یورپی یونین میں پارلیمانی طریقہ کار کی خصوصی تربیت حاصل کی ہے اور جنیوا میں بین پارلیمانی یونین ( آئی پی یو) کے اجلاسوں میں شرکت کی ہے۔

ڈاکٹر سوم شیکھر نے پی ایچ ڈی کی ہے۔ ادب میں اور کنڑ، ہندی، انگریزی، تیلگو اور تامل میں ماہر ہیں۔ ان کی انتظامی اور تعلیمی مہارت سے راجیہ سبھا سکریٹریٹ کو مزید مضبوط کرنے کی امید ہے۔

ہندوستھان سماچار

ہندوستان سماچار / محمد شہزاد