سلی گڑی، 18 اپریل (ہ س)۔

پارٹی کے قومی صدر ملکارجن کھڑگے اب کانگریس امیدواروں کی حمایت میں میدان میں اتر رہے ہیں۔ پیر کو سلی گڑی کے نکسل باڑی میں ایک بڑی انتخابی ریلی کا انعقاد کیا جائے گا، جہاں دارجلنگ، کالمپونگ اور جلپائی گوڑی اضلاع سے کانگریس کے سات امیدواروں کے حق میں مہم چلائی جائے گی۔ اس عوامی ریلی میں کانگریس کے سینئر لیڈر کنہیا کمار، دیپا داسمنشی اور پپو یادو بھی موجود رہیں گے۔ یہ ریلی نکسل باڑی کے نند پرساد بالیکا ودیالیہ گراو¿نڈ میں منعقد ہوگی، جہاں اسٹیج کی تیاری کا کام شروع ہوچکا ہے۔

معلومات کے مطابق، کھرگے ہیلی کاپٹر سے سیدھے جلسہ گاہ کے قریب اتریں گے اور وہاں سے عوام سے خطاب کریں گے۔ریلی کے ذریعے کھرگے دارجلنگ ضلع میں کانگریس کے پانچ امیدواروں کی حمایت میں مہم چلائیں گے، ایک کالمپونگ میں، اور ایک ڈبگرام-پھولباری علاقے میں۔ ضلع کانگریس صدر سبن بھومک نے امید ظاہر کی کہ یہ ریلی پارٹی کارکنوں میں نیا جوش و جذبہ پیدا کرے گی اور پارٹی کو مضبوط کرے گی۔

اس دوران مٹیگارا-نکسل باڑی اسمبلی سیٹ سے کانگریس کے امیدوار امیتابھ سرکار نے دعویٰ کیا ہے کہ 2011 اور 2016 کی طرح اس بار بھی کانگریس اس سیٹ پر جیتے گی۔

ہندوستھان سماچار

ہندوستان سماچار / Mohammad Khan