امپھال، 17 اپریل (ہ س) منی پور کے مختلف حصوں میں پولیس اور سیکورٹی فورسز کے ذریعہ کئے گئے آپریشن کے دوران، کالعدم تنظیم پریپک (پی آر او) کے ایک کیڈرسمیت چھ ملزمان کو 10 دو پہیہ گاڑیوں کے ساتھ گرفتار کیا گیا ہے۔
منی پور پولیس ہیڈکوارٹر نے جمعہ کو بتایا کہ 16 اپریل کو، سیکورٹی فورسز نے عسکریت پسند گروپ پریپاک (پی آر او) کے ایک فعال کیڈر کو گرفتار کیا۔ اسے تھوبل ضلع کے ہیروک تھانے کے علاقے ہیروک پارٹ III، انگلانگ لاک علاقے سے گرفتار کیا گیا۔ گرفتار شخص کی شناخت کاکچنگ ضلع کے وانگو چیریل مکھا لیکئی کے رہنے والے لیشرام بوئچا سنگھ عرف چائیبا (29) کے طور پر کی گئی ہے۔ اس کے پاس سے ایک موبائل فون اور سم کارڈ ضبط کیا گیا ہے۔
پولیس ذرائع نے بتایا کہ بدھ کے روز منی پور پولیس نے امپھال مشرقی ضلع میں پورمپیٹ پولیس اسٹیشن حدود کے تحت کونگبا روڈ اور آیانگ پلی علاقوں میں مکمل طور پر بندش کو بھڑکانے اور اس میں حصہ لینے کے الزام میں دس دو پہیہ گاڑیوں کے ساتھ چھ افراد کو گرفتار کیا۔
گرفتار ملزمین کی شناخت فیرمبم ارون سنگھ (44)، سگولشین انگو میتی (23)، بچپتیمیم جانسن شرما (23)، میبم تلہیبہ کھمن (18)، پیٹر (19) اور ایڈواچوب (19) کے طور پر کی گئی ہے۔
اس کے علاوہ، کرفیو کی خلاف ورزی پر 02 (دو) نابالغوں کو ایگزیکٹو مجسٹریٹ، امپھال ایسٹ کے سامنے پیش کیا گیا۔ ان پر 5000 روپے جرمانہ عائد کرنے کے بعد انہیں رہا کر دیا گیا۔
---------------
ہندوستان سماچار / عبدالسلام صدیقی
