نئی دہلی، 17 اپریل (ہ س): خواتین کے ریزرویشن سے متعلق تین بلوں پر لوک سبھا میں جاری بحث کے دوران، بھارتیہ جنتا پارٹی (بی جے پی) کے رکن نشی کانت دوبے نے جمعہ کو کہا کہ اگر یہ بل منظور نہیں ہوتا ہے، تو قومی سطح پر جنوبی ہند کی ریاستوں کی نمائندگی کم ہو جائے گی۔

گوڈا، جھارکھنڈ کے رکن پارلیمان نشی کانت دوبے نے کہا کہ ناری شکتی وندن ایکٹ آبادی کی بنیاد پر حد بندی کے ذریعے خواتین کے لیے 33 فیصد ریزرویشن کا مطالبہ کرتا ہے۔ متفقہ طور پر منظور ہونے والا یہ بل خواتین کو ریزرویشن کی فراہمی کو یقینی بنائے گا۔ اسے فراہم کرنے کے لیے حد بندی کی جائے گی، اور آبادی کی بنیاد پر سیٹیں دوبارہ تفویض کی جائیں گی۔ اس کے نتیجے میں، کچھ ریاستوں میں نشستوں میں اضافہ دیکھا جائے گا، جب کہ دیگر میں نشستیں کم ہوں گی۔

انہوں نے کہا کہ حکومت نے فی الحال متناسب بنیادوں پر نشستیں مختص کرنے کا بل پیش کیا ہے۔ اگر یہ بل منظور نہیں ہوتا ہے تو ایکٹ کے تحت اتر پردیش کی نشستیں بڑھ کر 87 اور تمل ناڈو کی نشستیں کم ہو کر 29 ہو جائیں گی۔

دوبے نے الزام لگایا کہ آج کانگریس او بی سی کے لیے ریزرویشن کی بات کر رہی ہے لیکن خود سونیا گاندھی اور سابق وزیر اعظم منموہن سنگھ نے ذات پات کی مردم شماری کرانے سے انکار کر دیا تھا۔

---------------

ہندوستان سماچار / عبدالسلام صدیقی