فریدآباد، 16 اپریل (ہ س)۔

فرید آباد پولیس کے سائبر پولیس اسٹیشن سنٹرل کی ٹیم نے جمعرات کو دو ملزمین کو کروڑوں روپے کی دھوکہ دہی کے معاملے میں گرفتار کیا۔ اسٹاک مارکیٹ میں ٹریڈنگ کے نام پر 4 کروڑ روپے کی دھوکہ دہی کی گئی ہے ۔ گرفتار ملزمین کی شناخت پانی پت کے رہنے والے شبھم اور دہلی کے نریلا کے رہنے والے کمل کانت کے طور پر کی گئی ہے۔ پولیس ترجمان کے مطابق سیکٹر 15 کے رہائشی نے سائبر پولیس اسٹیشن سنٹرل کو دی گئی اپنی شکایت میں بتایا کہ 21 اکتوبر 2025 کو اس نے ڈین رابن نامی شخص سے فون پر بات کی، جس نے اسے آن لائن ٹریڈنگ اکاو¿نٹ مارکیٹ آر ایف ایکس کے ذریعے سرمایہ کاری کا لالچ دیا۔ بعد ازاں مبینہ شخص نے شکایت کنندہ کے لیے اسٹاک مارکیٹ ٹریڈنگ کے لیے چار اکاو¿نٹس کھولے۔ ان اکاو¿نٹس کے ذریعے، شکایت کنندہ نے مختلف لین دین کے ذریعے کل 4 کروڑ کی سرمایہ کاری کی، لیکن کوئی رقم کی واپسی نہیں ملی۔ سائبر پولس اسٹیشن سنٹرل میں متعلقہ دفعات کے تحت مقدمہ درج کیا گیا ہے۔ گرفتار ملزمین سے پوچھ گچھ میں پتہ چلا کہ دونوں پانی پت کے ایکسس بینک میں ملازم ہیں۔ انہوں نے اکاو¿نٹ ہولڈرز مونو اور ساگر کے لیے بینک اکاو¿نٹس کھولے تھے، جس میں ہر ایک میں 10 لاکھ جمع کیے گئے تھے۔ ملزمان کو آج عدالت میں پیش کر کے تین روزہ ریمانڈ پر پولیس کے حوالے کر دیا گیا۔

ہندوستھان سماچار

ہندوستان سماچار / عطاءاللہ