گورنر جیشنو دیو ورما کی جانب سے لوک بھون میں بابا صاحب امبیڈکر کو خراجِ عقیدت

ممبئی ، 14 اپریل (ہ س)۔ 14 اپریل کو بھارت رتن ڈاکٹر بابا صاحب امبیڈکر کی 135ویں یومِ پیدائش کے موقع پر ممبئی کے لوک بھون میں ایک باوقار تقریب کا انعقاد کیا گیا، جہاں مہاراشٹر کے گورنر جیشنو دیو ورما نے ڈاکٹر امبیڈکر کے مجسمے پر پھول نچھاور کر کے انہیں خراجِ عقیدت پیش کیا۔ اس تقریب میں گورنر نے ڈاکٹر امبیڈکر کی خدمات کو یاد کرتے ہوئے انہیں آئین ہند کا معمار اور عظیم سماجی رہنما قرار دیا۔

اس موقع پر گورنر کے سکریٹری ڈاکٹر پرشانت نارنورے سمیت لوک بھون کے افسران، ملازمین اور پولیس اہلکار بڑی تعداد میں موجود تھے، جنہوں نے بھی ڈاکٹر امبیڈکر کو احترام کے ساتھ یاد کیا۔ تقریب کے دوران ڈاکٹر بابا صاحب امبیڈکر کی سماجی انصاف، مساوات اور آئینی اقدار کے لیے دی گئی خدمات کو اجاگر کیا گیا اور ان کے نظریات پر عمل پیرا ہونے کی ضرورت پر زور دیا گیا۔

ہندوستھان سماچار

--------------------

ہندوستان سماچار / جاوید این اے