جموں، 14 اپریل (ہ س)۔

لیفٹیننٹ جنرل پی کے مشرا، جنرل آفیسر کمانڈنگ وائٹ نائٹ کور نے اکھنور سیکٹر کا دورہ کیا اور لائن آف کنٹرول پر تعینات فوجیوں کی آپریشنل تیاریوں کا جائزہ لیا۔

فوجی ذرائع کے مطابق، اس دورے کے دوران دراندازی روکنے کے اقدامات، سیکورٹی نظام اور جدید آلات کے استعمال کا تفصیلی معائنہ کیا گیا۔ اس موقع پر جنرل آفیسر کمانڈنگ کراسڈ سورڈز ڈویژن بھی ان کے ہمراہ موجود تھے، جو اکھنور سیکٹر میں ایل او سی کی نگرانی کے لیے اہم ذمہ داریاں انجام دے رہی ہے۔ بیان میں کہا گیا کہ دورے کا مقصد مجموعی آپریشنل تیاری، سیکورٹی گرڈ اور مختلف یونٹس کے درمیان ہم آہنگی کا جائزہ لینا تھا۔

لیفٹیننٹ جنرل پی کے مشرا نے جدید ٹیکنالوجی کے استعمال کو سراہتے ہوئے اہلکاروں کو ہدایت دی کہ وہ دراندازی کے خلاف اپنی کارروائیوں کو مزید مضبوط، مؤثر اور مستعد رکھیں۔

ہندوستھان سماچار

ہندوستان سماچار / محمد اصغر