نئی دہلی، 14 اپریل (ہ س)۔ وزیر اعظم نریندر مودی نے نائب صدرجمہوریہ سی پی رادھا کرشنن سے منگل کو نائب صدر ہاو¿س میںملاقات کرکے پوتھانڈو کے خصوصی موقع پر انہیں مبارکباد دی۔

نائب صدر رادھا کرشنن نے 'ایکس' (سابقہ ٹویٹر) پر کہا: میں آج یہاں وزیر اعظم مودی سے مل کر اور تامل پوتھانڈو اور بیساکھی کے مبارک موقعوں پر مبارکبادوں کا تبادلہ کرتے ہوئے بے حد خوش ہوا۔ ہم نے آنے والے سال میں خوشی، امن اور سب کی بھلائی کی خواہش کی۔ ہم نے اس بات پر تبادلہ خیال کیا کہ کس طرح تمل پوتھانڈو ہمارے خاندانی روایات، وراثت اور روحانیت کی عکاسی کرتا ہے۔ نظم و ضبط کے ساتھ پورے ملک میں منائے جانے والے نئے سال کی تقریبات ہمیں ہماری ثقافتی دولت اور تنوع کی یاد دلاتی ہیں، ساتھ ہی 'ایک بھارت، شریشٹھ بھارت' (ایک ہندوستان، عظیم ہندوستان) کے جذبے کو بھی اجاگر کرتی ہیں۔

وزیر اعظم مودی نے 'ایکس' پر لکھا کہ انہوں نے نائب صدر تھیرو سی پی سے ملاقات کی اور پوتھانڈو کے خصوصی موقع پر انہیں اپنی نیک خواہشات کا اظہار کیا۔ انہوں نے دعا کی کہ آنے والا سال اچھی صحت اور خوشیوں سے بھرا ہو۔

---------------

ہندوستان سماچار / عبدالسلام صدیقی