کولکاتا، 14 اپریل (ہ س)۔

ممتا بنرجی نے منگل کو سوشل میڈیا پلیٹ فارم ایکس(سابقہ ٹویٹر) پر ڈاکٹر بھیم راو¿ امبیڈکر کو ان کی یوم پیدائش پر خراج عقیدت پیش کرتے ہوئے جمہوری اقدار کے لیے اپنی وابستگی کا اعادہ کیا۔

اپنی پوسٹ میں وزیر اعلیٰ نے لکھا کہ وہ ہندوستان کے آئین کے خالق ڈاکٹر بھیم راو¿ امبیڈکر کو ان کی یوم پیدائش پر احترام کے ساتھ یاد کرتی ہیں۔ انہوں نے کہا کہ یہ فخر کی بات ہے کہ بنگال لیجسلیچر نے باباصاحب کے آئین ساز اسمبلی میں داخلے کی راہ ہموار کی، جہاں ان کی دور اندیش قیادت نے ملک کے مستقبل کو تشکیل دیا۔ ممتا بنرجی نے مزید کہا کہ آج جب ملک ایک ایسے موڑ پر کھڑا ہے جہاں جمہوریت کی بنیادی اقدار – سیکولرازم، وفاقی ڈھانچہ اور سماجی انصاف – کو مسلسل چوکسی کی ضرورت ہے، امبیڈکر کی زندگی اور ان کے اصول ہمارے لیے رہنما ہیں۔اپنے پیغام میں، انہوں نے ایک جامع معاشرے کے لیے اپنی وابستگی کا اعادہ کرتے ہوئے کہا کہ ہر شہری خواہ ذات یا مذہب سے تعلق رکھتا ہو، وقار اور امید کے ساتھ زندگی بسر کر سکتا ہے – یہی ان کے خیالات کا مرکز ہے۔ترنمول سپریمو نے یہ بھی واضح کیا کہ وہ عوام کے حقوق کو کمزور نہیں ہونے دیں گی اور نہ ہی ملک کے وفاقی ڈھانچے اور تکثیری اور سیکولر تانے بانے کو نقصان پہنچنے دیں گی۔آخر میں، انہوں نے ہر ایک سے اس مقدس دن پر ہندوستان کی جمہوری روح کی حفاظت کے لیے اپنے آپ کو دوبارہ وقف کرنے کی اپیل کی۔

ہندوستھان سماچار

ہندوستان سماچار / Mohammad Khan