جموں کے گنگیال بائی پاس علاقے میں موٹر سائیکل حادثے میں میاں بیوی جاں بحق

جموں، 14 اپریل (ہ س)۔ جموں کے گنگیال بائی پاس علاقے میں منگل کے روز پیش آئے ایک دردناک سڑک حادثے میں میاں بیوی جاں بحق جبکہ ان کا کمسن بیٹا زخمی ہو گیا۔ سرکاری ذرائع کے مطابق، ایک موٹر سائیکل کو تیز رفتار ٹرک نے ٹکر مار دی جس کے نتیجے میں 45 سالہ بال کرشن اور ان کی اہلیہ 40 سالہ انیتا ساکن چھترپور مدھیہ پردیش کے موقع پر ہی ہلاک ہو گئے۔

بتایا جاتا ہے کہ متوفی جوڑا اپنے 12 سالہ بیٹے کے ہمراہ موٹر سائیکل پر سفر کر رہا تھا۔ وہ گنگیال کے ماڈل ٹاؤن میں کرائے کے مکان میں مقیم تھے۔ حادثے کے فوراً بعد مقامی لوگوں اور پولیس نے زخمی بچے کو ریسکیو کر کے گورنمنٹ میڈیکل کالج اسپتال منتقل کیا، جہاں اس کا علاج جاری ہے۔ ادھر، پولیس نے لاشوں کو پوسٹ مارٹم کے لیے اسپتال منتقل کر کے معاملے کی مزید تفتیش شروع کر دی ہے۔

ہندوستھان سماچار

---------------

ہندوستان سماچار / محمد اصغر